Cahangir Fərəcullayev Latviyada mətbuat önünə çıxdı: NƏLƏR DEDİ?
Azərbaycan millisinin Latviya yığması ilə oyunu ərəfəsində Riqada səfərdə olan AFFA-nın baş katibi Cahangir Fərəcullayev jurnalistlərin önünə çıxıb.
Pressing.az funksionerlə müsahibəni təqdim edir:
- Bu oyunun sentyabrda başlayacaq seçmə mərhələyə hansı təsiri olacaq?
- Vacib oyundur. Məşq xarakterli oyun olacaq. Seçmə mərhələyə hazırlaşmaq üçün yaxşı zəmindir. Toplanış yaxşı əhval-ruhiyyədə keçir. Məncə, nəticəsi yaxşı olmalıdır.
- Baş məşqçi Fernandu Santuşla fərdi söhbətiniz olubmu? Onun sabahkı görüşdən gözləntisi nədir?
- Təbii ki, olub. Komandadan yaxşı oyun gözləyir. Taktiki və oyunçu seçimi baxımından müəyyən gedişləri olacaq. Məşqçi komandasına güvənir. Ümid edirəm ki, hər şey yaxşı olacaq.
- Son aylarda bir qədər sakitlikdir. Halbuki, konfransda çıxış edərkən bildirmişdiniz ki, sabahdan islahatlara başlanılacaq. Strategiya ilə bağlı işlər nə yerdədir?
- Yaxşı sualdır. Belə deyim, sakitlik deyil. Daxildə işlər gedir. Kadrlarla bağlı işlərdən başlayıb texniki yöndə islahatlar görülür. Məsələn, son həftələrdə strategiya ilə bağlı qrup yaradılıb. Artıq iki nəfər işləyir. Strategiyaya uyğun rəqəmsal siyasətlə, İP həllərlə bağlı yeni əməkdaşımız işə başlayıb. Deməyim odur ki, kənardan bəlkə sakitlik kimi görünə bilər, amma işlər gedir. Güman edirəm ki, bunun nəticələrini yaxın zamanlardan etibarən hamı görməyə başlayacaq.
- İcraiyyə Komitəsinin son iclasında Tahir Süleymanovun fikri ilə bağlı məsələ katibliyə tapşırıldı ki, təklif nəzərə alınsın və müzakirə olunsun. Bildiyimə görə, görüş olub. Təklif nə ilə bağlı idi və görüşün nəticələri nə oldu?
- Bəli, təkliflə bağlı Tahir müəllimlə görüşdük. Onun hansı istiqamətdə işləmək istəməsi müzakirə olundu. Danışıldı ki, növbəti görüş də olmalıdır. Tahir müəllim o görüşdə artıq detallı, konkret təkliflə gəlməlidir ki, işimizi davam etdirək.
- Aktual məsələlərdən biri də stadionla bağlıdır. Bu yöndə problemləri olan "İmişli" və "Karvan" növbəti mövsüm Premyer Liqada oynamalıdır.
- Bu, 10 komandadan 12 komandaya keçidin gözlənilən problemləridir. Qərar qəbul olunanda bilirdik ki, qarşımıza bu problem çıxacaq. Hazırda həm "Karvan", həm də "İmişli" ilə ciddi iş gedir. AFFA onlara köməklik göstərməyə çalışır. Yaxın günlərdə məsələ ilə bağlı irəliləyişi görəcəyik.
- Əvəzedicilər Liqasının ləğv olunması ilə bağlı xəbərlər dolaşır. Bu, müzakirə olunubmu?
- Hazırda heç bir qərar yoxdur. Bəlkə də müzakirə əsnasında belə fikir olub, ancaq ortada konkret qərar yoxdur.
- İnfrastruktur və uşaq futbolu ilə bağlı hansı addımlar atılır?
- İnfrastrukturla bağlı ilk addımlarımızı atmalıyıq və onu hansı istiqamətdə etməli olduğumuzu müəyyənləşdirməliyik. Uşaq futbolu, liqaların keçirilməsində meydança, stadion çatışmazlığı var ki, bunları yoluna qoymalıyıq. Büdcə planlaması çox vacibdir. Bütün işləri birdəfəyə həyata keçirmək olmur, 4 illik layihədir.
- Yaxında İcraiyyə Komitəsinin iclası gözlənilirmi?
- Fikir vermisinizsə, İcraiyyə Komitəsinin iclasları icraçı formatında keçirilir, yəni qərar kimi yox, müzakirələr şəraitində. Növbəti iclas ya iyunun sonu, ya da iyulun əvvəlində baş tutmalıdır. Bu da iş qrafikindən asılıdır. Bəzi işləri başa çatdırmalıyıq ki, İK üzvləri onunla tanış olduqdan sonra iclas keçirilsin.
Qeyd: Latviyaya səfər "Misli"nin dəstəyi ilə baş tutub.
Pressing.az funksionerlə müsahibəni təqdim edir:
- Bu oyunun sentyabrda başlayacaq seçmə mərhələyə hansı təsiri olacaq?
- Vacib oyundur. Məşq xarakterli oyun olacaq. Seçmə mərhələyə hazırlaşmaq üçün yaxşı zəmindir. Toplanış yaxşı əhval-ruhiyyədə keçir. Məncə, nəticəsi yaxşı olmalıdır.
- Baş məşqçi Fernandu Santuşla fərdi söhbətiniz olubmu? Onun sabahkı görüşdən gözləntisi nədir?
- Təbii ki, olub. Komandadan yaxşı oyun gözləyir. Taktiki və oyunçu seçimi baxımından müəyyən gedişləri olacaq. Məşqçi komandasına güvənir. Ümid edirəm ki, hər şey yaxşı olacaq.
- Son aylarda bir qədər sakitlikdir. Halbuki, konfransda çıxış edərkən bildirmişdiniz ki, sabahdan islahatlara başlanılacaq. Strategiya ilə bağlı işlər nə yerdədir?
- Yaxşı sualdır. Belə deyim, sakitlik deyil. Daxildə işlər gedir. Kadrlarla bağlı işlərdən başlayıb texniki yöndə islahatlar görülür. Məsələn, son həftələrdə strategiya ilə bağlı qrup yaradılıb. Artıq iki nəfər işləyir. Strategiyaya uyğun rəqəmsal siyasətlə, İP həllərlə bağlı yeni əməkdaşımız işə başlayıb. Deməyim odur ki, kənardan bəlkə sakitlik kimi görünə bilər, amma işlər gedir. Güman edirəm ki, bunun nəticələrini yaxın zamanlardan etibarən hamı görməyə başlayacaq.
- İcraiyyə Komitəsinin son iclasında Tahir Süleymanovun fikri ilə bağlı məsələ katibliyə tapşırıldı ki, təklif nəzərə alınsın və müzakirə olunsun. Bildiyimə görə, görüş olub. Təklif nə ilə bağlı idi və görüşün nəticələri nə oldu?
- Bəli, təkliflə bağlı Tahir müəllimlə görüşdük. Onun hansı istiqamətdə işləmək istəməsi müzakirə olundu. Danışıldı ki, növbəti görüş də olmalıdır. Tahir müəllim o görüşdə artıq detallı, konkret təkliflə gəlməlidir ki, işimizi davam etdirək.
- Aktual məsələlərdən biri də stadionla bağlıdır. Bu yöndə problemləri olan "İmişli" və "Karvan" növbəti mövsüm Premyer Liqada oynamalıdır.
- Bu, 10 komandadan 12 komandaya keçidin gözlənilən problemləridir. Qərar qəbul olunanda bilirdik ki, qarşımıza bu problem çıxacaq. Hazırda həm "Karvan", həm də "İmişli" ilə ciddi iş gedir. AFFA onlara köməklik göstərməyə çalışır. Yaxın günlərdə məsələ ilə bağlı irəliləyişi görəcəyik.
- Əvəzedicilər Liqasının ləğv olunması ilə bağlı xəbərlər dolaşır. Bu, müzakirə olunubmu?
- Hazırda heç bir qərar yoxdur. Bəlkə də müzakirə əsnasında belə fikir olub, ancaq ortada konkret qərar yoxdur.
- İnfrastruktur və uşaq futbolu ilə bağlı hansı addımlar atılır?
- İnfrastrukturla bağlı ilk addımlarımızı atmalıyıq və onu hansı istiqamətdə etməli olduğumuzu müəyyənləşdirməliyik. Uşaq futbolu, liqaların keçirilməsində meydança, stadion çatışmazlığı var ki, bunları yoluna qoymalıyıq. Büdcə planlaması çox vacibdir. Bütün işləri birdəfəyə həyata keçirmək olmur, 4 illik layihədir.
- Yaxında İcraiyyə Komitəsinin iclası gözlənilirmi?
- Fikir vermisinizsə, İcraiyyə Komitəsinin iclasları icraçı formatında keçirilir, yəni qərar kimi yox, müzakirələr şəraitində. Növbəti iclas ya iyunun sonu, ya da iyulun əvvəlində baş tutmalıdır. Bu da iş qrafikindən asılıdır. Bəzi işləri başa çatdırmalıyıq ki, İK üzvləri onunla tanış olduqdan sonra iclas keçirilsin.
Qeyd: Latviyaya səfər "Misli"nin dəstəyi ilə baş tutub.
