“Qarabağ” klubunun baş məşqçisi Qurban Qurbanov UEFA Avropa Liqasının qrup mərhələsinin 4-cü turunda “Olimpiakos”la Bakıdakı oyunun (0:0) ilk hissəsində zədələnən futbolçusu Kadi Borgesin durumu barədə danışıb.

Pressing.az xəbər verir ki, o, oyundan sonra təşkil olunan mətbuat konfransında deyib:

“Sabah dəqiq bilinəcək. İlk hissədən sonra ağrıları var idi. Amma dedi ki, oynaya bilərəm. İkinci hissədə gördük ki, əziyyət çəkir və ona görə dəyişdik”.

Qeyd edək ki, Kadi “Olimpiakos”la oyunun ilk hissəsində zədələnib. Yarımmüdafiəçi oyuna davam edib. Lakin o, ağrı hiss etdiyi üçün 62-ci dəqiqədə Filip Ozobiçlə əvəzlənib.