"Qarabağ" daha çox qol vura bilərdi" - "Lion"un baş məşqçisi

"İlk hissədə "Qarabağ" çoxlu təhlükəli epizodlar yaratdı. Bunu unutmaq olmaz. Biz 2-ci hissədə müdafiəni daha yaxşı təşkil etdik. Hücuma keçidlərdə üstünlüklərimiz oldu. Çətin olsa da, sonradan ardıcıl qollar vurduq".

Pressing.az xəbər verir ki, bu sözləri "Lion"un baş məşqçisi Pyer Saj Avropa Liqasının Liqa mərhələsinin 5-ci turunda Bakıda "Qarabağ"a qalib gəldikləri matçdan (4:1) sonra təşkil olunan mətbuat konfransında deyib.

Hesabın oyuna görə olmadığını vurğulayan mütəxəssis Ağdam təmsilçisinin azarkeşləri haqqında xoş sözlər səsləndirib: "Qarabağ" daha çox qol vura bilərdi. Şansları da var idi. Bu da oyunun gedişatını dəyişdirə bilərdi. Stadionda azarkeşlərin davranışı isə yaxşı idi. Bu, oyunun gedişatına müsbət təsir edirdi".