"Sabah"ın baş məşqçisi: "Uduzsaq da, futbolçularımla fəxr edirəm"
“Düşünürəm ki, taktiki baxımdan çox maraqlı oyun oldu. Biz bu oyuna planla gəlmişdik. Məğlub olmağımıza baxmayaraq, futbolçularımı yalnız tərifləyə bilərəm. Onlarla fəxr edirəm".
Pressing.az xəbər verir ki, bu gün sözləri “Sabah”ın baş məşqçisi Valdas Dambrauskas Konfrans Liqasının 3-cü təsnifat mərhələsində səfərdə "Levski"yə uduzduqları ilk oyundan (0:1) sonra təşkil olunan mətbuat konfransında deyib.
Mütəxəssis bilirib ki, bu görüşdə daha yaxşı nəticə qazanmaqları mümkün idi: "Düşünürəm ki, uzun müddət “Levski”yə qarşı yaxşı mübarizə apardıq. Rəqib səviyyəli komandadır. Amma ilk hissədə oyuna bizim daha çox nəzarət etdiyimiz anlar da oldu. Bir az daha soyuqqanlı ola bilsəydik, daha yaxşı nəticə əldə edə bilərdik. İkinci hissədə isə, əlbəttə, rəqib baş məşqçisinin pressinqə qarşı bir həll tapacağını və bizim təzyiqimizi azaltmaq üçün yollar axtaracağını gözləyirdik. Elə də oldu. Xüsusən də oyunun 60-cı, 68-ci dəqiqələrinə qədər Everton Balla daha dərin oynadı və orada əlavə oyunçu üstünlüyü yaratdı. Biz həmin anda bir az kompaktlığımızı itirdik və “Levski” üstünlük qazandı. Amma bundan sonra biz də öz həll yollarımızı tapdıq. Oyunun bərabər səviyyədə davam etdiyini düşünürəm".
O, arenadakı atmosferdən də söz açıb: "Əlbəttə ki, stadiondakı atmosfer... Bu gün orada möhtəşəm atmosfer var idi. Əlbəttə ki, azarkeşlərin dəstəyi ev sahibi komanda üçün böyük üstünlük idi. Düşünürəm ki, əgər stadionda bu atmosfer olmasaydı, fərqli nəticə qeydə alına bilərdi".
Valdas Dambrauskas yaratdıqları qol vəziyyətlərindən də danışıb: "İkinci hissədə bizim iki çox yaxşı qol imkanımız oldu. Təəssüf ki, onları reallaşdıra bilmədik. Amma bu sadəcə ilk oyundur. 90 dəqiqə geridə qaldı və indi “Levski”ni gələn həftə Bakıda qarşılayacağıq”.
Pressing.az xəbər verir ki, bu gün sözləri “Sabah”ın baş məşqçisi Valdas Dambrauskas Konfrans Liqasının 3-cü təsnifat mərhələsində səfərdə "Levski"yə uduzduqları ilk oyundan (0:1) sonra təşkil olunan mətbuat konfransında deyib.
Mütəxəssis bilirib ki, bu görüşdə daha yaxşı nəticə qazanmaqları mümkün idi: "Düşünürəm ki, uzun müddət “Levski”yə qarşı yaxşı mübarizə apardıq. Rəqib səviyyəli komandadır. Amma ilk hissədə oyuna bizim daha çox nəzarət etdiyimiz anlar da oldu. Bir az daha soyuqqanlı ola bilsəydik, daha yaxşı nəticə əldə edə bilərdik. İkinci hissədə isə, əlbəttə, rəqib baş məşqçisinin pressinqə qarşı bir həll tapacağını və bizim təzyiqimizi azaltmaq üçün yollar axtaracağını gözləyirdik. Elə də oldu. Xüsusən də oyunun 60-cı, 68-ci dəqiqələrinə qədər Everton Balla daha dərin oynadı və orada əlavə oyunçu üstünlüyü yaratdı. Biz həmin anda bir az kompaktlığımızı itirdik və “Levski” üstünlük qazandı. Amma bundan sonra biz də öz həll yollarımızı tapdıq. Oyunun bərabər səviyyədə davam etdiyini düşünürəm".
O, arenadakı atmosferdən də söz açıb: "Əlbəttə ki, stadiondakı atmosfer... Bu gün orada möhtəşəm atmosfer var idi. Əlbəttə ki, azarkeşlərin dəstəyi ev sahibi komanda üçün böyük üstünlük idi. Düşünürəm ki, əgər stadionda bu atmosfer olmasaydı, fərqli nəticə qeydə alına bilərdi".
Valdas Dambrauskas yaratdıqları qol vəziyyətlərindən də danışıb: "İkinci hissədə bizim iki çox yaxşı qol imkanımız oldu. Təəssüf ki, onları reallaşdıra bilmədik. Amma bu sadəcə ilk oyundur. 90 dəqiqə geridə qaldı və indi “Levski”ni gələn həftə Bakıda qarşılayacağıq”.
