Azərbaycan yığması Avropa kubokunun finalında!

Azərbaycanın 3x3 basketbol üzrə qadın yığması Kosovonun paytaxtı Priştinada təşkil olunan Avropa kubokunda finala yüksəlib.

Pressing.az xəbər verir ki, yığmamız seçmə mərhələsdə bu gün yarımfinal oyununa çıxıb. Komanda Kosovo ilə üz-üzə gəlib və 21:5 hesablı qələbə qazanıb.

Azərbaycan millisi finalda İrlandiya - Kipr cütünün qalibi ilə qarşılaşacaq.

Xatırladaq ki, yığmamız bunadək Kipr (16:10) və Maltanı (15:14) üstələyib.