Azərbaycanın basketbol millilərinin Avropa Kubokundakı rəqibləri məlum olub

Azərbaycanın 3x3 üzrə basketbol millilərinin Avropa Kubokunun təsnifat mərhələsindəki rəqibləri bəlli olub.

Pressing.az xəbər verir ki, kişilərdən ibarət komanda İrlandiya, Kosovo, Kipr, Albaniya, Malta seçmələri ilə, qadınlar isə İrlandiya, Kosovo, Kipr, Malta kollektivləri ilə üz-üzə gələcək.

Qarşılaşmalar 7-8 iyunda Kosovonun paytaxtı Priştinada keçiriləcək.

Qeyd edək ki, həm kişi, həm də qadın kateqoriyasında yalnız təsnifat mərhələsinin qalibi Avropa Kubokunun (2025) əsas mərhələsində iştirak etmək hüququ qazanacaq.