Transfer çalışmalarını davam etdirən "Kəpəz" klubu heyətinə yeni oyunçu cəlb edib.

Pressing.az xəbər verir ki, tam adı Paulo Rojerio Veyqa dos Santos olan qapıçı Gəncə təmsilçisində çıxış edəcək.

Portuqaliyalı qolkiperin son klubu vətənində aşağı liqa təmsilçisi "Lenk Vilaverdense" olub. 25 yaşlı oyunçu ilə 1 illik müqavilə imzalanıb.

Qeyd edək ki, Rojerio "Braqa" akademiyasının yetirməsidir. O, ölkəsinin aşağı yaş qrupları üzrə yığma komandalarının üzvü olub.