UFC: Hamzat Çimayevdən ilk məğlubiyyət

Ötən gecə ABŞ-nin Nyuark şəhərində qarışıq döyüş növləri (MMA) üzrə UFC 328 turniri keçirilib.

Pressing.az xəbər verir ki, ən maraqla gözlənilən döyüş Birləşmiş Ərəb Əmirliklərini təmsil edən Çeçenistan əsilli Hamzat Çimayevlə amerikalı Şon Striklend arasında olub

Orta çəki dərəcəsində keçirilən titul döyüşü beş raund davam edib və hakimlərin qərarı ilə Striklendin qələbəsi ilə yekunlaşıb - – 2:1 (48:47, 48:47, 47:48).

Bununla da MMA-da 15 qələbə qazanan Çimayev ilk məğlubiyyətini alıb. Striklendin hesabında isə 31 qələbə və 7 məğlubiyyət yer alır.