Fransanın paytaxtı Parisdə keçirilmiş Yay Olimpiya Oyunlarında gümüş medal əldə edən Azərbaycan taekvondoçusu Qaşım Maqomedovun 2025-ci ilin fevral ayı üçün açıqlanmış dünya reytinqində mövqeyi dəyişməyib.

Pressing.az xəbər verir ki, bu barədə Azərbaycan Taekvondo Federasiyasının mətbuat xidməti məlumat yayıb.

58 kq çəki dərəcəsində mübarizə aparan idmançı 120 xalla ikinci pillədə qərarlaşıb.

Maqomedovun Paris-2024-ün finalında məğlub olduğu Cənubi Koreya təmsilçisi Park Taejoon birincidir.