Azərbaycanın ilk təmsilçisi bu gün Paris-2024-də mübarizəyə başlayacaq
Olimpiada / Digər növlər
25-07-2024, 13:30
![](/uploads/posts/2024-07/1721902942_csu.jpg)
Azərbaycanın ilk təmsilçisi Paris-2024 Yay Olimpiya Oyunlarında bu gün mübarizəyə başlayacaq.
Pressing.az xəbər verir ki, kamandan oxatma növündə Yaylagül Ramazanova yarışacaq.
O, 64 idmançının qatılacağı sıralama turuna 30-cu cütdə başlayacaq. Y.Ramazanova Türkiyə təmsilçisi Elif Berra Gokkirlə paralel çıxış edəcək. Bu raund Bakı vaxtı ilə saat 11:30-da start götürəcək.
Qeyd edək ki, Azərbaycan millisi Fransada 48 idmançı ilə təmsil olunur. Yığma 15 idman növü üzrə 17 proqramda çıxış edəcək. Paris-2024-ə avqustun 11-də yekun vurulacaq.
![](/templates/Red/images/geceden-sehere-billboard-728x90.png)