Bu gün 33-cü Yay Olimpiya Oyunlarının açılışı baş tutacaq
Olimpiada / Digər növlər
26-07-2024, 12:11
![](/uploads/posts/2024-07/1721992079_vd.jpg)
Bu gün Fransanın paytaxtı Parisdə 2024-cü il Yay Olimpiya Oyunlarının açılış mərasimi baş tutacaq.
Pressing.az xəbər verir ki, tarixdə ilk dəfə mərasim stadiondan kənarda - Sena çayı ətrafında olacaq. Ümumilikdə 10 min 500 idmançı Sena çayından qayıqlarla keçəcək.
Açılış mərasimi Bakı vaxtı ilə saat 21:30-da başlayacaq. Açılış mərasimindəki paradda Azərbaycan bayrağını cüdoçu Gültac Məmmədəliyeva və boksçu Məhəmməd Abdullayev daşıyacaqlar.
Qeyd edək ki, Azərbaycan millisi sayca 33-cü Yay Olimpiya Oyunlarında 48 idmançı ilə təmsil olunur. Yığma 15 idman növü üzrə 17 proqramda çıxış edəcək. Paris-2024-ə avqustun 11-də yekun vurulacaq.
![](/templates/Red/images/geceden-sehere-billboard-728x90.png)