Riad Rəfiyev: "Bu, Ayxan Abbasovun öz işidir, özü bilər" – MÜSAHİBƏ
"Sumqayıt" klubunun prezidenti Riad Rəfiyev Azərbaycan Premyer Liqasının 28-ci turu çərçivəsində bu gün səfərdə "Turan Tovuz" üzərində qazanılan əzmkar qələbədən (3:2) sonra media nümayəndələrinin suallarını cavablandırıb.
– Oyun barədə fikirlərinizi bölüşərdiz...
– Çox maraqlı, gərgin mübarizə şəraitində keçən matç izlədik. Komandamız çox yaxşı, hərtərəfli üstün oynadı. Bu görüşdə qələbəyə tam layiq idik.
– Artıq turnir cədvəlində "Səbail"lə aranızda 6 xallıq fərq yaranıb. Bu, hardasa arxayınçılığa səbəb ola bilərmi?
– Xeyr, arxayınçılıqdan söhbət gedə bilməz. Bizim hələ qarşıda 8 vacib oyunumuz var. Həmin matçlara köklənmişik.
– "Turan Tovuz"la oyundan öncə futbolçularda motivasiya yaratmaq üçün onlara mükafat vəd edilmişdi?
– Xeyr, belə bir təşəbbüs olmayıb. Futbolçular bu matçın əhəmiyyətini dərk edirdilər və bu gün meydanda əllərindən gələni edərək 3 xal qazandılar.
– Əsas komanda Premyer Liqada, əvəzedicilər isə Birinci Divizionda son pillələrdə qərarlaşır. Bu mənada, hazırda futbol ictimaiyyətində əsas tənqid hədəfi "Sumqayıt" rəhbərliyidir. Bu, üzərinizdə hər hansı gərginlik yaradırmı?
– Mən komandamızın potensialını çox yaxşı bilirəm. Buna görə də, komandaya inanır, güvənirəm. Düşünürəm ki, bugünkü matçdan sonra hər şey müsbətə doğru irəliləyəcək və yaxşı olacaq.
– Mehdi Hüseynzadə adına Sumqayıt şəhər stadionunun açılış tarixi bəllidir?
– Hələlik bu barədə dəqiq informasiya verə bilmərəm.
– Yəqin ki, Prezident İlham Əliyevin açılışa gəlməsiylə bağlıdır...
– Bəli, ola bilər.
– "Turan Tovuz" – "Sumqayıt" oyununun çempionatdakı prinsipiallığı öz yerində. Bəs, bugünkü matçı həm də Riad Rəfiyev – Ayxan Abbasov dueli adlandıra bilərikmi?
– Xeyr, bunu bu formada adlandırmaq istəməzdim. Nə mənim ona, nə də o insanın mənə aidiyyəti var. Çıxıb, oyunumuzu oynayır, qələbəmizi qazanır və Sumqayıta yollanırıq.
– Nəzərə alaq ki, Tovuzdakı ilk qarşılaşmadan (1:0) sonra Ayxan Abbasov mətbuat konfransında buna eyham vurmuşdu...
– Bu, onun öz işidir, özü bilər. Bizim öz mövqeyimiz, planlarımız var. Hazırda bütün diqqətimizi komandamıza yönəltmişik.
– Bu il əcnəbi mütəxəssislə (oxu: Aleksey Baqa) başladız. Həmçinin, olunan transferlər, komandaya ayrılan diqqət və qərarlaşdığınız mövqe bugünkü gündə sizi nə dərəcədə narahat edir?
– Bu gün "Sumqayıt"ın potensialı turnir cədvəlində qərarlaşdığı pillə ilə uyğun gəlmir. Komandamızın potensialı qat-qat yüksəkdir və buna bir daha şahid olduq. Əslində, "Sumqayıt" mövsümün əvvəlindən belə performans sərgiləməli idi. Amma bu, futboldur, belə şeylər olur. Heç nə olmaz. Qarşıdakı oyunlara hazırlaşacağıq.
– "Sumqayıt" elitada qalacaq?
– İnşallah, buna ümid edirəm.
Elsevər Muradzadə, Bakı-Tovuz
– Oyun barədə fikirlərinizi bölüşərdiz...
– Çox maraqlı, gərgin mübarizə şəraitində keçən matç izlədik. Komandamız çox yaxşı, hərtərəfli üstün oynadı. Bu görüşdə qələbəyə tam layiq idik.
– Artıq turnir cədvəlində "Səbail"lə aranızda 6 xallıq fərq yaranıb. Bu, hardasa arxayınçılığa səbəb ola bilərmi?
– Xeyr, arxayınçılıqdan söhbət gedə bilməz. Bizim hələ qarşıda 8 vacib oyunumuz var. Həmin matçlara köklənmişik.
– "Turan Tovuz"la oyundan öncə futbolçularda motivasiya yaratmaq üçün onlara mükafat vəd edilmişdi?
– Xeyr, belə bir təşəbbüs olmayıb. Futbolçular bu matçın əhəmiyyətini dərk edirdilər və bu gün meydanda əllərindən gələni edərək 3 xal qazandılar.
– Əsas komanda Premyer Liqada, əvəzedicilər isə Birinci Divizionda son pillələrdə qərarlaşır. Bu mənada, hazırda futbol ictimaiyyətində əsas tənqid hədəfi "Sumqayıt" rəhbərliyidir. Bu, üzərinizdə hər hansı gərginlik yaradırmı?
– Mən komandamızın potensialını çox yaxşı bilirəm. Buna görə də, komandaya inanır, güvənirəm. Düşünürəm ki, bugünkü matçdan sonra hər şey müsbətə doğru irəliləyəcək və yaxşı olacaq.
– Mehdi Hüseynzadə adına Sumqayıt şəhər stadionunun açılış tarixi bəllidir?
– Hələlik bu barədə dəqiq informasiya verə bilmərəm.
– Yəqin ki, Prezident İlham Əliyevin açılışa gəlməsiylə bağlıdır...
– Bəli, ola bilər.
– "Turan Tovuz" – "Sumqayıt" oyununun çempionatdakı prinsipiallığı öz yerində. Bəs, bugünkü matçı həm də Riad Rəfiyev – Ayxan Abbasov dueli adlandıra bilərikmi?
– Xeyr, bunu bu formada adlandırmaq istəməzdim. Nə mənim ona, nə də o insanın mənə aidiyyəti var. Çıxıb, oyunumuzu oynayır, qələbəmizi qazanır və Sumqayıta yollanırıq.
– Nəzərə alaq ki, Tovuzdakı ilk qarşılaşmadan (1:0) sonra Ayxan Abbasov mətbuat konfransında buna eyham vurmuşdu...
– Bu, onun öz işidir, özü bilər. Bizim öz mövqeyimiz, planlarımız var. Hazırda bütün diqqətimizi komandamıza yönəltmişik.
– Bu il əcnəbi mütəxəssislə (oxu: Aleksey Baqa) başladız. Həmçinin, olunan transferlər, komandaya ayrılan diqqət və qərarlaşdığınız mövqe bugünkü gündə sizi nə dərəcədə narahat edir?
– Bu gün "Sumqayıt"ın potensialı turnir cədvəlində qərarlaşdığı pillə ilə uyğun gəlmir. Komandamızın potensialı qat-qat yüksəkdir və buna bir daha şahid olduq. Əslində, "Sumqayıt" mövsümün əvvəlindən belə performans sərgiləməli idi. Amma bu, futboldur, belə şeylər olur. Heç nə olmaz. Qarşıdakı oyunlara hazırlaşacağıq.
– "Sumqayıt" elitada qalacaq?
– İnşallah, buna ümid edirəm.
Elsevər Muradzadə, Bakı-Tovuz
