- "Turan Tovuz"la matça çox ciddi hazırlaşmışdıq. Meydana qələbə üçün çıxmışdıq. Şükürlər olsun ki, qalib gəldik. Ümid edirəm ki, qələbələrin davamı gələr"

Bu sözləri Pressing.az-ın Tovuza ezam olunan əməkdaşına "Sumqayıt"ın yarımmüdafiəçisi Səbuhi Abdullazadə deyib. O, bu gün səfərdə "Turan Tovuz"u məğlub etdikləri oyundan (3:2) sonra suallarımızı cavablandırıb.

- Tovuz səfərində, Ayxan Abbasovun komandasına qarşı üzərində gərginlik var idi?

- Xeyr. Kiminsə komandasına qarşı oynamaq çətinlik deyil. Sadəcə səfər çətinliyi var. Hamının bildiyi kimi, Tovuz və Gəncə səfərləri ağır olur. Turnir cədvəlində olduğumuz mövqeyin də çətinliyi var.

- Bu gün "Sumqayıt" mövsümün ən yaxşı oyunlarından birini göstərdi. Səncə, əvvəl niyə belə oynamaq olmurdu?

- Nəyin çatmadığını baş məşqçi daha yaxşı bilər. Nə lazım olsa, o deyir, biz də yerinə yetiririk.