"Bizim üçün çox yaxşı oyun oldu. Yeni yaranmış kollektivlə "Neftçi"yə qarşı layiqli mübarizə apardıq. Matç ərzində qol vurmaq üçün xeyli imkanlarımız oldu. Daha da güclənmək üçün zamana ehtiyacımız var. Biz yaxşı komandayıq".

Bu sözləri Pressing.az-ın Şamaxıya ezam olunmuş əməkdaşına Azərbaycan Premyer Liqasının 5-ci turunda keçirilən "Şamaxı" - "Neftçi" matçından (0:0) sonra meydan sahiblərinin albaniyalı hücumçusu Belaydi Pusi deyib.

26 yaşlı forvard komandasının hədəfindən də söz açıb:

"Məqsədimiz mövzüm boyu layiqli mübarizə aparmaq və hər oyuna 3 xal qazanmağa çıxmaqdır".

Daşqın Əziz