"Karvan"dan uzaqlaşdırıldı, özünə İkinci Liqada klub tapdı – ÖZƏL

"Karvan"la yolları ayrılan hücumçu Ruslan Vorontsovun yeni iş yeri müəyyənləşib.

Pressing.az-ın əldə etdiyi məlumata görə, Yevlax təmsilçisindən uzaqlaşdırılan forvard karyerasını İkinci Liqa klubunda davam etdirəcək.

Belə ki, "Karvan"ın heyətində son oyunda "qırmızı" alaraq 4 oyunluq cəzalandırılan və komandadan uzaqlaşdırılan oyunçuya İkinci Liqa təmsilçisi "Cəbrayıl" sahib çıxıb.

Birinci Liqaya yüksəlməyə iddialı olan cəbrayıllılar Vorontsovla güclənib.

Futbolçu da öz növbəsində davamlı oynamaq üçün İkinci Liqa klubuna keçməyə razılıq verib.

Qeyd edək ki, "Cəbrayıl" hazırda 30 xalla turnir cədvəlinin 3-cü pilləsində qərarlaşıb.

Pressing.az