Növbəti mövsüm Azərbaycan Premyer Liqasında çıxış edəcək "Karvan" klubu heyətini yeni futbolçuyla gücləndirib.

Pressing.az-ın əldə etdiyi məlumata görə, Yevlax təmsilçisi Konqo əsilli almaniyalı vinger Coy-Slayd Mikelsi sıralarına qatıb.

30 yaşlı futbolçu növbəti mövsüm "Karvan"ın uğurları üçün çalışacaq.

Qeyd edək ki, sözügedən oyunçunu qışda "Səbail" də transfer etmək istəyirdi, lakin keçid baş tutmamışdı.

Əlavə edək ki, Coy-Slayd "Sabah"ın futbolçusu Coy-Lens Mikelsin qardaşıdır. Onun digər qardaşı Leroy isə son olaraq "Şamaxı"nın formasını geyinib.

Daşqın Əziz