"Sabah"ın uğuru, "Qarabağ" müqayisəsi və bitməyən kompleks – YAZI
"Sabah"ın ötən gün Çempionlar Liqasının 3-cü təsnifat mərhələsinə yüksəlməsi yenidən köhnə müzakirələri – "Qarabağ"la müqayisələri alovlandırdı.
Əsas da "bayquşlar"ın baş məşqçisi Valdas Dambrauskasın bu qələbəni "tarixi nailiyyət" adlandırması "Qarabağ"sevərlərin yenidən müzakirə yaratmasına səbəb olub. Adekvat olaraq söyləsək, bu, tarixi qələbə deyildimi, cənablar? Tarixində ilk dəfə Çempionlar Liqasına vəsiqə qazanan Azərbaycan klubu ardıcıl iki mərhələ keçir, özü də bütün oyunları qələbə ilə tamamlayaraq. Üstəgəl, minimum Konfrans Liqasının qrupu da təmin edilib.
Litvalı baş məşqçinin bunu "tarixi nailiyyət" adlandırması niyə bəzilərini qıcıqlandırmalı və "Qarabağ"la müqayisəyə yol açmalıdır? Bu, ilk hal deyil. "Sabah" Azərbaycan çempionu olduqdan sonra "Qarabağ"a yaxınlığı ilə bilinən tanınmış, nüfuzlu simalar da sosial şəbəkə hesablarında Masazır təmsilçisinin Avropada Ağdam klubu qədər uğurlu olmayacağını yazmışdılar. Bu kənara, gətirilən arqumentlərdən biri də belə idi ki, "Sabah"ın çıxışı "Qarabağ"ınkı qədər maraqlı olmayacaq". Ümumiyyətlə, buna "arqument" demək olar?..
Söhbət Azərbaycan futbolunun inkişafından gedirsə, bu tip müqayisələr nəyə lazımdır və ya nəyə xidmət edir? Bu təfəkkürlə futbolumuz nəinki inkişaf edə, heç "Biləcəridən o yana keçə bilməz". Ən azından bir Azərbaycan təmsilçisinin Avropada qalma müddəti uzandı. Könül istər ki, digər 3 komandamız da bunu təkrarlasın.
"Qarabağ"ın da Avropanın ikinci nüfuzlu turnirində mərhələni keçmək şansı qalır. "Zirə"nin səfərdə "Payde"yə minimal hesabla məğlub olmasına baxmayaraq, "qartallar"ın doğma divarlar arasında rəqibini üstələyərək turu adlaması mümkünsüz deyil. O ki qaldı "Neftçi"yə, bakılıların işi qəlizdir. "Ağ-qaralar" 2:0 hesabıyla öndə olduğu oyunu yekunda 2:4 uduzaraq səfərə motivasiyasız və tərəddüd içində yollanıb. Fəqət futbolda hər şey mümkündür.
Xülasə, bütün təmsilçilərimizə Avropa səhnəsində uğur arzulamaqda qəbahətli bir şey yoxdur. Nəticədə Azərbaycan adı təmsil olunur, ölkəmizin aktivinə reytinq xalları gəlir.
Orxan İsmayılov
Əsas da "bayquşlar"ın baş məşqçisi Valdas Dambrauskasın bu qələbəni "tarixi nailiyyət" adlandırması "Qarabağ"sevərlərin yenidən müzakirə yaratmasına səbəb olub. Adekvat olaraq söyləsək, bu, tarixi qələbə deyildimi, cənablar? Tarixində ilk dəfə Çempionlar Liqasına vəsiqə qazanan Azərbaycan klubu ardıcıl iki mərhələ keçir, özü də bütün oyunları qələbə ilə tamamlayaraq. Üstəgəl, minimum Konfrans Liqasının qrupu da təmin edilib.
Litvalı baş məşqçinin bunu "tarixi nailiyyət" adlandırması niyə bəzilərini qıcıqlandırmalı və "Qarabağ"la müqayisəyə yol açmalıdır? Bu, ilk hal deyil. "Sabah" Azərbaycan çempionu olduqdan sonra "Qarabağ"a yaxınlığı ilə bilinən tanınmış, nüfuzlu simalar da sosial şəbəkə hesablarında Masazır təmsilçisinin Avropada Ağdam klubu qədər uğurlu olmayacağını yazmışdılar. Bu kənara, gətirilən arqumentlərdən biri də belə idi ki, "Sabah"ın çıxışı "Qarabağ"ınkı qədər maraqlı olmayacaq". Ümumiyyətlə, buna "arqument" demək olar?..
Söhbət Azərbaycan futbolunun inkişafından gedirsə, bu tip müqayisələr nəyə lazımdır və ya nəyə xidmət edir? Bu təfəkkürlə futbolumuz nəinki inkişaf edə, heç "Biləcəridən o yana keçə bilməz". Ən azından bir Azərbaycan təmsilçisinin Avropada qalma müddəti uzandı. Könül istər ki, digər 3 komandamız da bunu təkrarlasın.
"Qarabağ"ın da Avropanın ikinci nüfuzlu turnirində mərhələni keçmək şansı qalır. "Zirə"nin səfərdə "Payde"yə minimal hesabla məğlub olmasına baxmayaraq, "qartallar"ın doğma divarlar arasında rəqibini üstələyərək turu adlaması mümkünsüz deyil. O ki qaldı "Neftçi"yə, bakılıların işi qəlizdir. "Ağ-qaralar" 2:0 hesabıyla öndə olduğu oyunu yekunda 2:4 uduzaraq səfərə motivasiyasız və tərəddüd içində yollanıb. Fəqət futbolda hər şey mümkündür.
Xülasə, bütün təmsilçilərimizə Avropa səhnəsində uğur arzulamaqda qəbahətli bir şey yoxdur. Nəticədə Azərbaycan adı təmsil olunur, ölkəmizin aktivinə reytinq xalları gəlir.
Orxan İsmayılov
