"Qarabağ"sız Çempionlar Liqası faciədir?
Dünəndən bəri Azərbaycanın futbol ictimaiyyətində aləm bir-birinə dəyib. Sanki ortalığa "bomba atılıb". "Qarabağ"ın Azərbaycan Kubokunun yarımfinalında "Sabah"a məğlub olaraq yarışla vidalaşması böyük səs-küyə səbəb olub.
Əslində, səs-küyə "Qarabağ"ın məğlubiyyəti yox, görüşün baş hakimi Rəvan Həmzəzadənin son saniyələrdə "Sabah"ın qapısına penalti təyin etməməsi səbəb olub. Top "Bayquşlar"ın futbolçusunun əlinə təmas etsə də, referi VAR otağı ilə qısa dialoqdan sonra 11 metrlik nöqtəni göstərmədi.
"Qarabağ" azarkeşlərinin tənqidlərini, narazılığını tam olaraq başa düşmək lazımdır. Fanat hər zaman hiss, emosiyalarla hərəkət edir. Mübahisəli epizodla bağlı müxtəlif arqumentlər də səsləndirildi/səsləndirilir. Bir sözlə, əksəriyyət "Qarabağ"ı hakimin uduzdurduğunu iddia edir.
Çox keçməmiş "Sabah" klubu sosial media hesablarında bənzər epizodlarla bağlı müqayisə xarakterli video paylaşdı. Bundan öncə "Qarabağ" və "Sumqayıt"la matçlarda topun rəqib komandaların futbolçularının əlinə dəydiyi epizodları yenidən gündəmə gətirən Masazır təmsilçisi bu halın onların da başına gətirildiyini diqqətə çatdırdı.
Nə isə, bu, ötən gün baş verən hadisələrin qısa icmalı idi. Lakin ortalıq sakitləşməyib və mübarizə sosial şəbəkələr üzərindən davam edir. "Qarabağ"a yaxınlığı ilə bilinən bəzi tanınmış şəxslər Ağdam klubunun Çempionlar Liqasına yollana bilməməsini faciəyə çeviriblər. Paylaşımlardan belə bir təəssürat yaranır ki, sanki Azərbaycan futbolu yetim qalıb. ÇL-ə "Qarabağ" getməyəcəksə, bu, Azərbaycan futbolunun süqutudur və s.
Komandaların azarkeşlərini çıxsaq, bir azərbaycanlı futbolsevər üçün Avropaya "Qarabağ", "Sabah", "Turan Tovuz", "Zirə", "Neftçi" və digərinin getməsinin fərqi yoxdur. Əsas odur ki, ölkənin adı avrokuboklarda layiqincə təmsil edilsin. Sabah "İmişli", "Kəpəz", hətta "Şəfa" Premyer Liqaya yüksəlib, yer tutub Avropaya getsə, bu, Azərbaycan futbolunun adıdır.
Pressing.az
Əslində, səs-küyə "Qarabağ"ın məğlubiyyəti yox, görüşün baş hakimi Rəvan Həmzəzadənin son saniyələrdə "Sabah"ın qapısına penalti təyin etməməsi səbəb olub. Top "Bayquşlar"ın futbolçusunun əlinə təmas etsə də, referi VAR otağı ilə qısa dialoqdan sonra 11 metrlik nöqtəni göstərmədi.
"Qarabağ" azarkeşlərinin tənqidlərini, narazılığını tam olaraq başa düşmək lazımdır. Fanat hər zaman hiss, emosiyalarla hərəkət edir. Mübahisəli epizodla bağlı müxtəlif arqumentlər də səsləndirildi/səsləndirilir. Bir sözlə, əksəriyyət "Qarabağ"ı hakimin uduzdurduğunu iddia edir.
Çox keçməmiş "Sabah" klubu sosial media hesablarında bənzər epizodlarla bağlı müqayisə xarakterli video paylaşdı. Bundan öncə "Qarabağ" və "Sumqayıt"la matçlarda topun rəqib komandaların futbolçularının əlinə dəydiyi epizodları yenidən gündəmə gətirən Masazır təmsilçisi bu halın onların da başına gətirildiyini diqqətə çatdırdı.
Nə isə, bu, ötən gün baş verən hadisələrin qısa icmalı idi. Lakin ortalıq sakitləşməyib və mübarizə sosial şəbəkələr üzərindən davam edir. "Qarabağ"a yaxınlığı ilə bilinən bəzi tanınmış şəxslər Ağdam klubunun Çempionlar Liqasına yollana bilməməsini faciəyə çeviriblər. Paylaşımlardan belə bir təəssürat yaranır ki, sanki Azərbaycan futbolu yetim qalıb. ÇL-ə "Qarabağ" getməyəcəksə, bu, Azərbaycan futbolunun süqutudur və s.
Komandaların azarkeşlərini çıxsaq, bir azərbaycanlı futbolsevər üçün Avropaya "Qarabağ", "Sabah", "Turan Tovuz", "Zirə", "Neftçi" və digərinin getməsinin fərqi yoxdur. Əsas odur ki, ölkənin adı avrokuboklarda layiqincə təmsil edilsin. Sabah "İmişli", "Kəpəz", hətta "Şəfa" Premyer Liqaya yüksəlib, yer tutub Avropaya getsə, bu, Azərbaycan futbolunun adıdır.
Pressing.az
