Xəbər lenti

"Turan Tovuz" ilə Türkiyənin "Fənərbağça" klubu arasında keçiriləcək qarşılaşmanın fiziki biletləri satışa çıxarılıb.

Pressing.az xəbər verir ki, bu barədə klubun mətbuat xidməti məlumat yayıb.

Bildirilir ki, azarkeşlər biletləri bu gündən etibarən saat 18:00-dək, 3 oktyabr tarixində isə oyunun başlanğıc saatınadək Tofiq Bəhramov adına Respublika Stadionunun kassalarından əldə edə bilərlər.

Qeyd edək ki, qarşılaşmanın start fiti isə oktyabrın 3-də saat 20:00-da səslənəcək.