Elmar Baxşıyev: "Növbəti mərhələdəki rəqiblər də çətin deyillər" – AÇIQLAMA

Avrokuboklarda mübarizə aparan üç Azərbaycan klubu - "Sabah", "Qarabağ" və "Zirə" növbəti mərhələyə adlayıb.

"Sabah" Çempionlar Liqasında Uelsin TNS komandasını, "Qarabağ" Avroliqada İslandiya "Vestri"sini, "Zirə" isə Konfrans Liqasında Gürcüstan təmsilçisi "Torpedo"nu mübarizədən kənarlaşdıraraq 2-ci təsnifat mərhələsinə vəsiqə qazanıb.

Son olaraq "Araz-Naxçıvan"ın baş məşqçisi olmuş tanınmış mütəxəssis Elmar Baxşıyev hər üç klubun çıxışı haqda Pressing.az-a danışıb. O, təmsilçilərimizin növbəti mərhələni də rahatlıqla adlaya biləcəyini deyib:

"Hər üç klubun növbəti mərhələyə adlayacağı öncədən bəlli idi. Təmsilçilərimiz həm oyunçu keyfiyyətinə, həm də ustalığa görə rəqiblərindən xeyli öndə idilər. Matçların nəticələri də göstərir ki, komandalarımız çətinlik çəkmədən növbəti mərhələyə yüksəliblər. İkinci təsnifat mərhələsindəki rəqiblər də təmsilçilərimiz üçün çətin deyillər. Düşünürəm ki, həm "Sabah", həm "Qarabağ", həm də "Zirə" rahatlıqla növbəti tura vəsiqə qazanacaqlar".

Daşqın Əziz