Misli Premyer Liqasının 16-cı turu çərçivəsində "Kəpəz" doğma divarlar arasında "Sumqayıt"a 0:1 hesabıyla məğlub olub.

Görüşdə meydan sahiblərinin futbolçusu Mahir Həsənov "Kəpəz" forması ilə Premyer Liqada debüt edib.

Baş məşqçi Tərlan Əhmədovun gəlişindən sonra əvəzedici heyətdən əsas komandaya cəlb edilən 20 yaşlı yarımmüdafiəçi debütü ilə bağlı təəssüratlarını Pressing.az-la bölüşüb:

"Əsas komandada debüt oyununa çıxdığım üçün çox xoşbəxtəm. Komandaya kömək etmək istəyirdim. Çox gərgin oyun keçdi, uduzmaq istəmirdik. Təəssüf ki, ələ düşən fürsətlərdən istifadə edə bilmədik. Növbəti oyunlara köklənmişik, ancaq qələbə barədə fikirləşirik".

Pressing.az