"Neftçi"nin Cəfərquliyev israrı: Məbləğ bəlli oldu – ÖZƏL

"Qarabağ"da qalmayacağı dəqiqləşən Elvin Cəfərquliyev "Neftçi"nin "radarındadır".

Pressing.az-a daxil olan informasiyaya görə, paytaxt klubu 25 yaşlı sol cinah müdafiəçisini heyətinə qatmaqda israrlıdır.

"Ağ-qaralar" Cəfərquliyev üçün Ağdam təmsilçisinə 500 min avro təklif edib.

"Qarabağ" isə Elvin üçün 3 milyon manat tələb edir. Lakin "Neftçi" yekun olaraq bu məbləğin üstündə dayanıb. Danışıqlar yenidən davam etdiriləcək.

Xatırladaq ki, Elvin Cəfərquliyev və Abbas Hüseynov intizamsızlıq etdiklərinə görə Qurban Qurbanovun "qara siyahı"sına düşüblər. Mütəxəssis hər iki futbolçunu da bağışlamaq niyyətində deyil.

Orxan İsmayılov