"Qarabağ"dan "Sabah"ın ulduzu üçün yarım milyonluq təklif – ÖZƏL

“Qarabağ” yay transfer dönəminin ilk ciddi addımlarından birini atıb.

Ağdam təmsilçisi çempionluğu əldən verdiyi mövsümdən sonra rəqiblərini zəiflətmək strategiyasına start verib.

Pressing.az-a daxil olan informasiyaya görə, "köhlən atlar" “Sabah”ın əsas oyunçularından olan Coy-Lens Mikelsə illik 550 min manat maaşlıq təklif göndərib. Ağdam təmsilçisi futbolçunu heyətinə qatmaqla həm hücum xəttini gücləndirmək, həm də birbaşa rəqibinin aparıcı fiqurlarından birini itirməsinə səbəb olmaq istəyir.

Hazırda tərəflər arasında danışıqlar davam edir. “Sabah”ın isə oyunçunu komandada saxlamaq üçün yeni müqavilə variantı üzərində işlədiyi bildirilir.

Daşqın Əziz