"Qarabağ"dan ənənəvi taktika: "Sabah"ın əsas futbolçuları hədəfdə – ÖZƏL
"Sabah" və "Qarabağ" arasında rəqabət daha da artmaqdadır. Bu da ölkə futbolunun inkişafı üçün, əslində, yaxşı amildir.
Son illərin dominant komandası olan "Qarabağ" əsas rəqibi “Sabah”ın aparıcı üzvlərini hədəfə alıb.
Pressing.az-a daxil olan informasiyaya görə, "Bayquşlar"ın iki aparıcı üzvü "Qarabağ" tərəfindən yaxından izlənilir. Ağdamlıların məqsədi təkcə heyəti gücləndirmək deyil, həm də birbaşa rəqibin özəyini zəiflətməkdir.
Baş məşqçi Qurban Qurbanov üçün bu yanaşma yad deyil. O, daha əvvəl də rəqib komandaların lider futbolçularını heyətinə qatmaqla fərq yaratmağı bacarıb. Hətta iki mövsüm öncə Murad Musayevin rəhbərlik etdiyi "Sabah" da bu şəkildə "zəiflədilmişdi". Buna ən bariz nümunələrdən biri Aleksey İsayev və Aleksey Kaşuk transferləridir.
Kaşuk məsələsi uzun müddət müzakirə mövzusu olmuşdu. Futbolçu bir müddət klubsuz qaldıqdan sonra Bakıya gəlmişdi. O, keçmiş komandası “Sabah”ın bazasında məşq edir, hətta klub rəhbərliyinə Avropadan – İtaliya və ya İspaniyadan təklif alacağı təqdirdə, xaricə üz tutacağını bildirirdi. Kaşuk Avropaya üz tutmayacağı halda, "Sabah"la kontrakt bağlayacağını klubun rəhbəri Maqsud Adıgözəlova bildirmişdi. Lakin hadisələrin inkişafı fərqli oldu.
Kaşukun klub rəhbərlərinə həmin sözlərindən cəmi iki gün sonra onun "Qarabağ"a xəbərsiz keçidi “Sabah” rəhbərliyi, xüsusilə də klubun əsas simalarından biri olan Maqsud Adıgözəlov üçün ciddi məyusluq yaratmışdı. Bu transfer həm də “Qarabağ”ın rəqiblərinə qarşı psixoloji üstünlüyü idi.
“Ağdamlılar”ın maraq dairəsində olan digər futbolçulardan biri isə Coy-Lens Mikels olmuşdu idi. Klub oyunçu ilə danışıqlarda xeyli irəliləmişdi, lakin son anda futbolçu ərəblərdən gələn yüksək məbləğli təklifi üstün tutmuşdu.
Bütün bu faktlar göstərir ki, "Qarabağ" yenə də sınanmış strategiyasını işə sala bilər. Əgər “Sabah”ın aparıcı futbolçularının transferi reallaşarsa, bu, təkcə heyət gücləndirməsi yox, həm də birbaşa əsas rəqibə ciddi zərbə kimi qiymətləndiriləcək.
Pressing.az
Son illərin dominant komandası olan "Qarabağ" əsas rəqibi “Sabah”ın aparıcı üzvlərini hədəfə alıb.
Pressing.az-a daxil olan informasiyaya görə, "Bayquşlar"ın iki aparıcı üzvü "Qarabağ" tərəfindən yaxından izlənilir. Ağdamlıların məqsədi təkcə heyəti gücləndirmək deyil, həm də birbaşa rəqibin özəyini zəiflətməkdir.
Baş məşqçi Qurban Qurbanov üçün bu yanaşma yad deyil. O, daha əvvəl də rəqib komandaların lider futbolçularını heyətinə qatmaqla fərq yaratmağı bacarıb. Hətta iki mövsüm öncə Murad Musayevin rəhbərlik etdiyi "Sabah" da bu şəkildə "zəiflədilmişdi". Buna ən bariz nümunələrdən biri Aleksey İsayev və Aleksey Kaşuk transferləridir.
Kaşuk məsələsi uzun müddət müzakirə mövzusu olmuşdu. Futbolçu bir müddət klubsuz qaldıqdan sonra Bakıya gəlmişdi. O, keçmiş komandası “Sabah”ın bazasında məşq edir, hətta klub rəhbərliyinə Avropadan – İtaliya və ya İspaniyadan təklif alacağı təqdirdə, xaricə üz tutacağını bildirirdi. Kaşuk Avropaya üz tutmayacağı halda, "Sabah"la kontrakt bağlayacağını klubun rəhbəri Maqsud Adıgözəlova bildirmişdi. Lakin hadisələrin inkişafı fərqli oldu.
Kaşukun klub rəhbərlərinə həmin sözlərindən cəmi iki gün sonra onun "Qarabağ"a xəbərsiz keçidi “Sabah” rəhbərliyi, xüsusilə də klubun əsas simalarından biri olan Maqsud Adıgözəlov üçün ciddi məyusluq yaratmışdı. Bu transfer həm də “Qarabağ”ın rəqiblərinə qarşı psixoloji üstünlüyü idi.
“Ağdamlılar”ın maraq dairəsində olan digər futbolçulardan biri isə Coy-Lens Mikels olmuşdu idi. Klub oyunçu ilə danışıqlarda xeyli irəliləmişdi, lakin son anda futbolçu ərəblərdən gələn yüksək məbləğli təklifi üstün tutmuşdu.
Bütün bu faktlar göstərir ki, "Qarabağ" yenə də sınanmış strategiyasını işə sala bilər. Əgər “Sabah”ın aparıcı futbolçularının transferi reallaşarsa, bu, təkcə heyət gücləndirməsi yox, həm də birbaşa əsas rəqibə ciddi zərbə kimi qiymətləndiriləcək.
Pressing.az
