“CBC Sport”da ciddi böhran siqnalı: “Bayern” – PSJ matçı niyə yayımlanmadı?
“CBC Sport”un ötən gecə öncədən heç bir məlumat vermədən Çempionlar Liqasının yarımfinal qarşılaşmasını - "Bayern" – PSJ matçını pullu yayımla fəaliyyət göstərən “TVnet” platformasına ötürməsi sosial şəbəkələrdə ciddi narazılıq yaratdı.
Azarkeşlərin etirazına əsas səbəb oyunun harada yayımlanmasından çox bunun qəfil və şəffaf olmayan formada baş verməsi idi. Əslində, məsələ təkcə bir oyunun başqa platformada göstərilməsi deyil. Bu addımın arxasında uzun müddətdir danışılan maliyyə problemlərinin dayandığı iddia olunur. Son illərdə kanalın bəzi UEFA və xüsusilə “Qarabağ”ın avrokubok oyunlarının yayımı məsələsində başqa kanallarla “paslaşması” da diqqət çəkirdi. Bu prosesin sadəcə texniki və ya “qardaş dəstəyi” çərçivəsində baş vermədiyi, müəyyən maliyyə razılaşmalarının nəticəsi olduğu haqda fikirlər var.
İddialara görə, kanalın borcu artıq 3 milyon manatı keçib. Problemlərin başlanğıcı isə 3-4 il əvvələ – UEFA turnirlərinin yayım hüquqlarının alındığı dövrə gedib çıxır. Həmin müqavilələr böyük maliyyə yükü yaratdı və öhdəliklərin yerinə yetirilməsində çətinliklər ortaya çıxdı. Bu maliyyə sıxıntılarının nəticəsi kimi İtaliya və İspaniya çempionatlarının yayımları da dayandırıldı. Xatırlayırsınızsa, İtaliya A Seriyasının oyunları hətta mövsümün gedişində efirdən çıxarılmışdı. Səbəb isə yayım hüquqları ilə bağlı ödəniş problemləri idi. Hazırda kanal əsasən Azərbaycan çempionatı və UEFA turnirləri ilə efirini doldurur. Ancaq görünən odur ki, bu paketlərin bir hissəsinin başqa platformalara ötürülməsi artıq təsadüfi addım yox, maliyyə yükünü azaltmaq üçün atılan addım kimi görünür.
Dünənki “Bayern” – PSJ matçının da pullu platformaya verilməsi bu baxımdan adi qərar təsiri bağışlamır. Ən maraqlı sual isə bundan sonra nə baş verəcəyidir. SOCAR-ın bu borcları bağlamaqda nə qədər maraqlı olduğu bilinmir. Bu səbəbdən kanalın gələcəyi ilə bağlı müxtəlif ssenarilər səslənir. Hətta gəzən iddialara görə, yaxın dönəmdə kanalın “İTV Sport” adı altında fəaliyyətini davam etdirməsi ehtimalı müzakirə olunur. Belə olarsa, rəhbərlik də daxil olmaqla ciddi struktur dəyişiklikləri qaçılmaz görünür. Hələlik bunlar rəsmi təsdiqlənmiş məlumatlar deyil. Amma ortada bir həqiqət var: Azərbaycanın illərlə əsas idman kanalı kimi tanınan platforması hazırda ən mürəkkəb dövrlərindən birini yaşayır.
Prosesi izləməyə davam edəcəyik.
Orxan İsmayılov/Pressing.az
Azarkeşlərin etirazına əsas səbəb oyunun harada yayımlanmasından çox bunun qəfil və şəffaf olmayan formada baş verməsi idi. Əslində, məsələ təkcə bir oyunun başqa platformada göstərilməsi deyil. Bu addımın arxasında uzun müddətdir danışılan maliyyə problemlərinin dayandığı iddia olunur. Son illərdə kanalın bəzi UEFA və xüsusilə “Qarabağ”ın avrokubok oyunlarının yayımı məsələsində başqa kanallarla “paslaşması” da diqqət çəkirdi. Bu prosesin sadəcə texniki və ya “qardaş dəstəyi” çərçivəsində baş vermədiyi, müəyyən maliyyə razılaşmalarının nəticəsi olduğu haqda fikirlər var.
İddialara görə, kanalın borcu artıq 3 milyon manatı keçib. Problemlərin başlanğıcı isə 3-4 il əvvələ – UEFA turnirlərinin yayım hüquqlarının alındığı dövrə gedib çıxır. Həmin müqavilələr böyük maliyyə yükü yaratdı və öhdəliklərin yerinə yetirilməsində çətinliklər ortaya çıxdı. Bu maliyyə sıxıntılarının nəticəsi kimi İtaliya və İspaniya çempionatlarının yayımları da dayandırıldı. Xatırlayırsınızsa, İtaliya A Seriyasının oyunları hətta mövsümün gedişində efirdən çıxarılmışdı. Səbəb isə yayım hüquqları ilə bağlı ödəniş problemləri idi. Hazırda kanal əsasən Azərbaycan çempionatı və UEFA turnirləri ilə efirini doldurur. Ancaq görünən odur ki, bu paketlərin bir hissəsinin başqa platformalara ötürülməsi artıq təsadüfi addım yox, maliyyə yükünü azaltmaq üçün atılan addım kimi görünür.
Dünənki “Bayern” – PSJ matçının da pullu platformaya verilməsi bu baxımdan adi qərar təsiri bağışlamır. Ən maraqlı sual isə bundan sonra nə baş verəcəyidir. SOCAR-ın bu borcları bağlamaqda nə qədər maraqlı olduğu bilinmir. Bu səbəbdən kanalın gələcəyi ilə bağlı müxtəlif ssenarilər səslənir. Hətta gəzən iddialara görə, yaxın dönəmdə kanalın “İTV Sport” adı altında fəaliyyətini davam etdirməsi ehtimalı müzakirə olunur. Belə olarsa, rəhbərlik də daxil olmaqla ciddi struktur dəyişiklikləri qaçılmaz görünür. Hələlik bunlar rəsmi təsdiqlənmiş məlumatlar deyil. Amma ortada bir həqiqət var: Azərbaycanın illərlə əsas idman kanalı kimi tanınan platforması hazırda ən mürəkkəb dövrlərindən birini yaşayır.
Prosesi izləməyə davam edəcəyik.
Orxan İsmayılov/Pressing.az
