“Qarabağ” Futbol Klubu aşağı yaş qruplarından ibarət komandaların ev oyunlarını keçirdiyi "Sərhədçi" idman olimpiya mərkəzinin stadionunun ot örtüyünü yeniləyəcək.

Pressing.az-ın əldə etdiyi məlumata görə, illərdir süni örtük bu stadionda yararsız vəziyyətdə idi. Futbolçuların tez-tez zədə alması valideynləri narahat edirdi. Qış fasiləsində 10-dan çox uşağı bu səbəbdən valideynləri başqa klublara aparıb.

Valideynlərin və məşqçilərin narazılığından sonra “Sərhədçi”də yeni mövsüm üçün süni örtüyünün yeniləcəyi gözlənilir.

Elsevər Muradzadə