Ehtiram Quliyev: "Mərhələnin favoriti “Neftçi”dir" - MÜSAHİBƏ
Azərbaycan Kubokunda yarımfinal mərhələsinin ilk matçları çərçivəsində evdə "Neftçi"ni 1:0 hesabıyla məğlub edən "Turan Tovuz"un sponsoru “Huner Group”un rəhbəri Ehtiram Quliyev Pressing.az-ın əməkdaşının da iştirak etdiyi brifinqdə jurnalistlərin suallarını cavablandırıb.
Müsahibəni təqdim edirik:
- Öncə matçla bağlı fikirlərinizi bölüşərdiz...
- Oyunumuz çox gözəl alındı. Burda xüsusilə futbolçularımızın böyük əməyi oldu. Və ən böyük əmək azarkeşlərimizin oldu. Komandanı sonadək dəstəklədilər. Buna görə çox xoşbəxtəm.
- Bizdə olan məlumata görə, “Kəpəz”ə məğlubiyyətdən sonra komanda ilə iclas keçirmisiz...
- Bizim komanda ilə həmişə görüşlərimiz, oyunlardan əvvəl müzakirələrimiz olur. Standart bir görüş idi.
- Etiraf edək ki, çox stressli oyun oldu.
- Bəli, biz də elə düşünürük. "Neftçi" çox böyük komandadır. Qat-qat güclüdür. Belə güclü komandaya qarşı əzmkar oyun göstərmək bizi əlavə xoşbəxt etdi.
- Cavab qarşılaşmasından nə gözləyirsiz?
- Etiraf etmək lazımdır ki, şansımız çox az idi. Hələ də az olaraq qalır. Mərhələnin favoriti “Neftçi”dir. Amma azarkeşlərimizi sevindirdiyimizə, bu şəhərə futbol əhval-ruhiyyəsini, bayramını gətirdiyimizə görə xoşbəxtik.
- Bu oyuna görə yaxşı stimul olacaq?
- Yəqin ki, olacaq.
- "Qəbələ" akademiyansının yeni sponsoru olan şirkətin rəhbəri Aslan bəy açıqlamasında sponsorluq müqaviləsinin bağlanmasında sizin böyük rolunuzun olduğunu bildirmişdi. "Kəpəz"lə "Şamaxı" üçün də iş adamlarını dəvət etmək fikriniz var?
- Aslan müəllim dostumuzdur. Müzakirələrimiz oldu. Tək futbola yox, eyni zamanda şirkətlərə müsbət təsirləri barədə danışıqlar oldu. Ümid edirik ki, yaxın zamanda "Kəpəz"lə "Şamaxı" klublarına da sponsor tapılar.
Elsevər Muradzadə, Bakı-Tovuz
Müsahibəni təqdim edirik:
- Öncə matçla bağlı fikirlərinizi bölüşərdiz...
- Oyunumuz çox gözəl alındı. Burda xüsusilə futbolçularımızın böyük əməyi oldu. Və ən böyük əmək azarkeşlərimizin oldu. Komandanı sonadək dəstəklədilər. Buna görə çox xoşbəxtəm.
- Bizdə olan məlumata görə, “Kəpəz”ə məğlubiyyətdən sonra komanda ilə iclas keçirmisiz...
- Bizim komanda ilə həmişə görüşlərimiz, oyunlardan əvvəl müzakirələrimiz olur. Standart bir görüş idi.
- Etiraf edək ki, çox stressli oyun oldu.
- Bəli, biz də elə düşünürük. "Neftçi" çox böyük komandadır. Qat-qat güclüdür. Belə güclü komandaya qarşı əzmkar oyun göstərmək bizi əlavə xoşbəxt etdi.
- Cavab qarşılaşmasından nə gözləyirsiz?
- Etiraf etmək lazımdır ki, şansımız çox az idi. Hələ də az olaraq qalır. Mərhələnin favoriti “Neftçi”dir. Amma azarkeşlərimizi sevindirdiyimizə, bu şəhərə futbol əhval-ruhiyyəsini, bayramını gətirdiyimizə görə xoşbəxtik.
- Bu oyuna görə yaxşı stimul olacaq?
- Yəqin ki, olacaq.
- "Qəbələ" akademiyansının yeni sponsoru olan şirkətin rəhbəri Aslan bəy açıqlamasında sponsorluq müqaviləsinin bağlanmasında sizin böyük rolunuzun olduğunu bildirmişdi. "Kəpəz"lə "Şamaxı" üçün də iş adamlarını dəvət etmək fikriniz var?
- Aslan müəllim dostumuzdur. Müzakirələrimiz oldu. Tək futbola yox, eyni zamanda şirkətlərə müsbət təsirləri barədə danışıqlar oldu. Ümid edirik ki, yaxın zamanda "Kəpəz"lə "Şamaxı" klublarına da sponsor tapılar.
Elsevər Muradzadə, Bakı-Tovuz
