FİFA referisi Elçin Məsiyev UEFA-dan növbəti təyinat alıb.

Pressing.az xəbər verir ki, ötən gün UEFA Konfrans Liqasının 3-cü mərhələsində "Yurqorden" - "İlves" matçını yüksək səviyyədə idarə edən azərbaycanlı hakimlər pley-off mərhələsində "Partizan" - "Gent" oyununa da təyinat alıblar.

Elçin Məsiyevə Elşad Abdullayev və Pərvin Talıbov kömək edəcəklər. Dördüncü hakim funksiyasını Fərid Hacıyev yerinə yetirəcək. Kamal Umudlu matçda VAR, Rəşad Əhmədov isə AVAR kimi fəaliyyət göstərəcək.

Görüş avqustun 22-də Belqrad şəhərində yerləşən “Partizan” stadionunda keçiriləcək.