"Bavariya" üçün arzuolunmaz məqam
Dünya Futbolu
9-05-2024, 15:00
Münhen “Bavariya"sı bu mövsüm kubok qazanmaq şanslarını itirib.
Pressing.az xəbər verir ki, Çempionlar Liqasının yarımfinal mərhələsinin cavab oyununda “Real”a uduzan (1:2) münhenlilər ümumi hesabda (3:4) məğlub olaraq, turnirdən kənarlaşdırılıb.
Bundan əvvəl Tomas Tuxelin komandası Almaniya superkubokunun finalında “Leyptsiq”ə (0:3), Almaniya kubokunun 1/16 finalında “Saarbrüken”ə (1:2) məğlub olub. Almaniya Bundesliqasında isə “Bayer” (Leverkuzen) erkən çempionluq yaşayıb.
“Bavariya” son 12 ildə ilk dəfə mövsümü kuboksuz başa vuracaq. Sonuncu dəfə belə hal 2011/12 mövsümündə baş verib.