Çempionlar Liqasında 1/4 final cütlükləri bəlli oldu

Bu gün UEFA Çempionlar Liqasında 1/4 finalçılar və bu mərhələnin cütlükləri bəlli olub.

Pressing.az xəbər verir ki, 1/8 finalın cavab oyunlarının 2-ci günündə Dortmund "Borussiya"sı səfərdə "Lill"lə üz-üzə gəlib (ilk matç - 1:1). Almaniya klubu 2:1 hesablı qələbə qazanaraq 1/4 finala yüksəlib.

"Arsenal" PSV-ni (ilk oyun - 7:1) qəbul edib. Görüş 2:2 hesabı ilə başa çatıb. Bu nəticə London klubunu növbəti mərhələyə çıxarıb. "Aston Villa" isə ilk görüşdə 3:1 hesabı ilə qalib gəldiyi "Brügge"ni bu dəfə 3 cavabsız qolla məğlub edərək 1/4 finala yüksəlib.

Günün maraqla gözlənilən oyunlarından biri Madriddə keçirilib. İlk matçda 2:1 hesabı ilə qalib gələn "Real" "Atletiko"nun qonağı olub. Oyunun əsas vaxtı "Atletiko"nin 1:0 üstünlüyü ilə başa çatıb. Əlavə vaxtda qol olmayıb və qalib penaltilər seriyasında bəlli olub. Burada daha dəqiq olan "Real" növbəti mərhələyə yüksəlib.

Qeyd edək ki, ötəngünkü cavab görüşlərindən sonra "Barselona", PSJ, "İnter" və "Bavariya"nın mərhələ adladığı dəqiqləşib.

Çempionlar Liqası, 1/8 final, cavab oyunları

12 mart

21:45. "Lill" (Fransa) - "Borussiya" (Dortmund, Almaniya) - 1:2

Qollar: David, 5 (1:0), Emre, 54 (1:1), Baler, 65 (1:2)

İlk oyun - 1:1

00:00. "Arsenal" (İngiltərə) - PSV (Niderland) - 2:2

Qollar: Zinçenko, 6 (1:0), Perişiç, 18 (1:1), Rays, 37 (2:1), Driueç, 70 (2:2)

İlk oyun - 7:1

00:00. "Aston Villa" (İngiltərə) - "Brügge" (Belçika) - 3:0

Qollar: Asensio, 50, 61, Maatsen, 57

İlk oyun - 3:1

00:00. "Atletiko" (İspaniya) - "Real" (İspaniya) - 1:0 (Penaltilər - 2:4)

Qol: Kallager, 1

Dəyərləndirilməyən penalti: Vinisius, 70 ("Real")

İlk oyun - 1:2

11 mart

“Barselona” (İspaniya) - “Benfika” (Portuqaliya) - 3:1

İlk oyun - 1:0.

“Liverpul” (İngiltərə) - PSJ (Fransa) - 0:1. Penaltilər seriyası - 1:4

İlk oyun - 1:0.

“İnter” (İtaliya) - “Feyenoord” (Niderland) - 2:1

İlk oyun - 2:0.

“Bayer” (Almaniya) - “Bavariya” (Almaniya) - 0:2

İlk oyun - 0:3.



1/4 final cütləri

İlk oyunlar

8 aprel

23:00."Bavariya" (Almaniya) - "İnter" (İtaliya)

23:00."Arsenal" (İngiltərə) - "Real" (İspaniya)



9 aprel

23:00."Barselona" (İspaniya) - "Borussiya" (Dortmund, Almaniya)

23:00.PSJ (Fransa) - "Aston Villa" (İngiltərə)

Cavab oyunları

15 aprel

23:00. "Borussiya" (Dortmund, Almaniya) - "Barselona" (İspaniya)

23:00. "Aston Villa" (İngiltərə) - PSJ (Fransa)

16 aprel

23:00. "İnter" (İtaliya) - "Bavariya" (Almaniya)

23:00. "Real" (İspaniya) - "Arsenal" (İngiltərə)