Futbol üzrə İngiltərə Premyer Liqasında 17-ci turun oyunları keçirilir.

Pressing.az xəbər verir ki, bu gün “Çelsi” “Şeffild Yunayted”i, “Nyukasl” “Fulhem”i, "Everton" "Bernli"ni məğlub edib. “Mançester Siti” isə “Kristal Pelas”la oyununda qalib müəyyənləşməyib.

“Bornmut” - “Luton Taun” matçı da hesab 1:1 olarkən yarıda qalıb. Buna qonaq komandanın kapitanı Tom Lokyerin 59-cu dəqiqədə huşunu itirərək yerə yıxılması səbəb olub. Həkimlərin yardımından sonra özünə gələn futbolçu dərhal xəstəxanaya çatdırılıb. Hakimlər bu matçı davam etdirməməyə qərar veriblər.

Hazırda turnir cədvəlində "Mançester Siti" 34 xalla 4-cü, "Nyukasl" 29 xalla 6-cı, "Çelsi" 22 xalla 10-cu, "Fulhem" 21 xalla 11-ci, "Bornmut" 19 xalla 14-cü, "Kristal Pelas" 17 xalla 15-ci, "Everton" 16 xalla 16-cı, "Luton Taun" 9 xalla 18-ci, "Bernli" 8 xalla 19-cu, eyni xalı olan "Şeffild Yunayted" isə 20-cidir.