Futbol üzrə İngiltərə Premyer Liqasında 19-cu turun oyunları davam edir.

Pressing.az xəbər verir ki, 2-ci oyun günündə 3 görüş keçirilib.

"Vulverhempton” “Brentford”a, “Çelsi” “Kristal Pelas”a, "Mançester Siti" “Everton”a qalib gəlib.

Qeyd edək ki, hazırda 42 xalla "Liverpul"un (19 oyuna) liderlik etdiyi turnir cədvəlində "Mançester Siti" 37 xalla 4-cü (18 oyuna), "Çelsi" 25 xalla 10-cu (19 oyuna), "Vulverhempton" eyni xalla 11-ci (19 oyuna), "Brentford" 19 xalla 14-cü (18 oyuna), "Kristal Pelas" 18 xalla 15-ci (19 oyuna), "Everton" isə 16 xalla 17-cidir. (19 oyuna).

İngiltərə Premyer Liqası, 19-cu tur

27 dekabr

"Brentford" – "Vulverhempton" - 1:4
Qollar: Vissa, 16 – Lemina, 13. Hvan, 14; 28. Belleqarde, 79.

"Çelsi" – "Kristal Pelas" - 2:1
Qollar: Mudrik, 13. Madueke, 89-pen. – Olise, 45+1.

"Everton" – "Mançester Siti" - 1:3
Qollar: Harrison, 29 – Foden, 53, X.Alvares, 64-pen; B.Silva, 87.