"Araz-Naxçıvan"da oynamış futbolçu Ermənistan klubunda

“Araz-Naxçıvan” klubunun sabiq legioneri Bernardo Oliveyra Ermənistanda çıxış edəcək.

Pressing.az xəbər verir ki, portuqaliyalı yarımmüdafiəçi Ermənistanın “Ararat Armenia” klubuna keçib.

Bu barədə klubun mətbuat xidməti məlumat yayıb. Oliveyra hazırda Çempionlar Liqasında çıxış edən İrəvan təmsilçisi ilə 1 illik müqavilə imzalayıb.

Qeyd edək ki, Oliveyra 2024/2025 mövsümündə "Araz-Naxçıvan"da oynayıb. Son mövsümdə isə o, Anqolanın "Petro Luanda" klubunda oynayıb.