"Kəpəz" 150-yə çatdı

"Kəpəz" Azərbaycan çempionatlarının yüksək dəstəsində 150-ci heç-heçəsini edib.

Pressing.az xəbər verir ki, bu, Misli Premyer Liqasının 6-cı turunun "Sumqayıt"la görüşünə təsadüf edib - 1:1.

Gəncə klubu 720-ci qarşılaşmada "150"yə çatıb.

Qərb təmsilçisi turnirin tarixində 150 və daha çox sülhə imza atan 5-ci komandadır.

"Kəpəz"in ilk heç-heçəsi 1992-ci il mayın 18-də qeydə alınıb.

Bərdənin "Pambıqçı" klubu ilə səfər görüşü qolsuz başa çatıb.