"Qarabağ" "Sumqayıt"a vurduğu qolu erməni milli qəhrəmanın musiqisi ilə paylaşıb

"Qarabağ" klubun sosial şəbəkə hesabında diqqətçəkən paylaşım edib.

Sportliqa.az xəbər verir ki, Ağdam təmsilçisi Premyer Liqanın 9-cu turunda səfərdə "Sumqayıt"la matçda Elvin Cəfərquliyevin vurduğu qolu paylaşıb.

Diqqətçəkən məqam isə odur ki, "Qarabağ" həmin videonu Ermənistanın milli qəhrəmanı Şarl Aznavurun "Hier encore" əsərinin fonunda paylaşıb.

Ş.Aznavur haqda onu qeyd edək ki, o, vaxtilə Fransa Fəxri legion ordeninə layiq görülüb, UNESCO-da Ermənistanın səfiri olub, Ermənistanın milli qəhrəmanı adına layiq görülüb.

Sözügedən şəxs həm də Ermənistanın İsveçrədəki səfiri olub.

Maraq üçün bildirək ki, ötən il baş tutan antiterror əməliyyatlarından sonra Şarl Aznavurun Xankəndidə ucaldılan heykəli sökülüb.

Həmin videonu linkə daxil olaraq izləyə bilərsiniz.

Tarıyel