"Napoli"də Konte dövrü başa çatdı - RƏSMİ

"Napoli" klubunun baş məşqçisi Antonio Konte komandadan ayrılıb.

Pressing.az xəbər verir ki, bu haqda klubun mətbuat xidməti məlumat yayıb.

Konte 2024-cü ilin yayından "Napoli"yə rəhbərlik edirdi. O, Neapol təmsilçisi ilə debüt mövsümündə komandanı İtaliya A Seriyası çempionluğuna aparıb. Cari mövsüm isə "Napoli" A seriyasını 2-ci yerdə başa vurub.

Ümumilikdə, Kontenin baş məşqçiliyi altında "Napoli" bütün yarışlarda 91 oyun keçirib, 54 qələbə qazanıb, 19 heç-heçə edib və 18 dəfə məğlub olub.