"Napoli" klubunun yeni baş məşqçisi müəyyənləşib.

Pressing.az xəbər verir ki, A Seriyası təmsilçisi Antonio Kontenin komandanın baş məşqçisi təyin olunduğunu açıqlayıb. Tərəflər 2027-ci ilə qədər müqavilə imzalayıblar.

54 yaşlı mütəxəssisin son iş yeri 2021-2023-cü illərdə rəhbərlik etdiyi "Tottenhem" olub.

Daha əvvəl mətbuatda "Napoli"nin Konte təyin olunacağı təqdirdə yayda transferlər üçün ona 230 milyon avro ayırmağa hazır olduğu barədə məlumatlar yayılmışdı. Kontenin klubla müqaviləsində əməkdaşlığa vaxtından əvvəl xitam veriləcəyi təqdirdə məşqçiyə təzminat nəzərdə tutulmayacağı da bildirilib.

Xatırladaq ki, “Napoli” A seriyasının 2023/24 mövsümünü 53 xalla 10-cu pillədə başa vurub.