"Tottenhem" azarkeşlərinə görə ziyana düşdü

UEFA Çempionlar Liqasında Almaniyanın “Ayntraxt” klubu ilə keçirilən oyunda azarkeşlərinin davranışına görə “Tottenhem”i cəzalandırıb.

Pressing.az xəbər verir ki, “Daily Mirror” nəşrinin məlumatına görə, yanvarın 28-də Frankfurtda baş tutan və London təmsilçisinin 2:0 hesablı qələbəsi ilə bitən qarşılaşmada bəzi qonaq azarkeşlər qeyri-etik davranış sərgiləyiblər. Polis üç “Tottenhem” tərəfdarının nasist salamı verdiyini müəyyənləşdirib.

Buna görə UEFA klubu 30 min avro cərimələyib. Əgər oxşar hadisə bir il ərzində təkrarlanarsa, “Tottenhem”ə UEFA turnirlərində bir səfər oyunu üçün bilet satışı qadağan olunacaq. Həmçinin tribunadan meydana əşya atıldığı üçün klub əlavə 2 250 avro cərimə ödəyəcək.