“Qarabağ”ın UEFA Çempionlar Liqasının 2-ci təsnifat mərhələsindəki potensial rəqibləri məlum olub.

Pressing.az xəbər verir ki, Çempionlar yolunda mübarizə aparacaq Qurban Qurbanovun rəhbərlik etdiyi komanda püşkatma zamanı səpələnməmişlər səbətində yer alacaq. Hazırda 12 potensial rəqibdən ikisi dəqiq məlumdur: “Riyeka” (Xorvatiya) və “Pafos” (Kipr). Daha 10 komanda 1-ci turun oyunlarının nəticələrinə əsasən müəyyənləşəcək. Ancaq hansı cütlərin olması isə püşkatma yolu ilə bilinəcək.

2-ci təsnifat mərhələsinin püşkatması iyunun 18-də, oyunlar isə iyulun 22-23 və 29-30-da keçiriləcək.