Bu gün İsveçrənin Nyon şəhərində UEFA Çempionlar Liqasının pley-off mərhələsinin püşkatması olacaq.

Pressing.az xəbər verir ki, tədbir saat 14:00-da başlayacaq. Püşkatmada “Qarabağ” da potensial rəqibini tanıyacaq.

Püşkatma zamanı “Qarabağ” – “Şkendiya” (Şimali Makedoniya) cütü səpələnməmişlər səbətində yer alacaq. Bu cütün qalibi pley-off mərhələsində səpələnmişlər səbətində yer alacaq aşağıda adları qeyd edilən komandalardan biri ilə qarşılaşacaq:

“Bude-Qlimt” (Norveç), “Seltik” (Şotlandiya)

Ya da, “köhlən atlar” ÇL-də 3-cü mərhələnin cütlərinin qaliblərindən biri ilə üz-üzə gələcək:

“Malmö” (İsveç) – “Kopenhagen” (Danimarka), “Lex” (Polşa) – “Srvena Zvezda” (Serbiya), “Ludoqorets” (Bolqarıstan) – “Ferentsvaroş” (Macarıstan)

Çempionlar Liqasının pley-off mərhələsinin oyunları 19-20 və 26-27 avqust tarixlərində keçiriləcək.

Bu gün həmçinin, Avropa Liqasının da pley-off mərhələsinin püşkü atllacaq. Bu zaman “Qarabağ” – “Şkendiya” cütünün məğlunun da rəqibi məlum olacaq. Avroliqada pley-mərhələsinin püşkatma mərasimi saat 15:00-da başlayacaq.