"Qarabağ"ın pley-off mərhələsindəki rəqibi müəyyənləşir

İsveçrənin Nyon şəhərində olan UEFA-nın binasında bu gün Çempionlar Liqası, Avropa Liqası və Konfrans Liqasının püşk mərasimi baş tutacaq.

Pressing.az xəbər verir ki, Çempionlar Liqasının tədbiri Bakı vaxtıyla 15:00-da başlanacaq.

Avropa Liqasının pley-off mərhələsinin püşkünə 16:00-da start veriləcək. Bu yarışda Azərbaycanın təmsilçisi “Qarabağ”ın rəqibi məlum olacaq. Bu mərhələnin oyunları 2024-cü il fevralın 15-də və 22-də keçiriləcək.

“Qarabağ”ın pley-off mərhələsində potensial rəqibləri sırasında “Qalatasaray”, “Milan” və başqa güclü klublar var.

“Qarabağ”ın pley-off mərhələsində potensial rəqibləri:

“Qalatasaray” (Türkiyə)

“Lans” (Fransa)

“Braqa” (Portuqaliya)

“Benfika” (Portuqaliya)

“Feyenoord” (Niderland)

“Milan” (İtaliya)

“Yanq Boyz” (İsveçrə)

“Şaxtyor” (Donetsk, Ukrayna)

Konfrans Liqasının püşkü isə 17:00-da atılacaq.