Bu gün UEFA Konfrans Liqasında pley-off mərhələsinin püşkatma mərasimi keçirilib.

Pressing.az xəbər verir ki, tədbir İsveçrənin Nyon şəhərində təşkil olunan mərasimdə Azərbaycan təmsilçilərinin cütlərinin potensial rəqibləri də müəyyənləşib.

"Zirə" (Azərbaycan) - "Osiyek" (Xorvatiya) və "Sabah" (Azərbaycan) - "Sent-Patriks Atletik" (İrlandiya) cütləri səpələnməmişlər səbətində yer alıb.

"Zirə" (Azərbaycan) - "Osiyek" (Xorvatiya) cütünün qalibi “Omoniya” (Kipr) – “Fehervar” (Macarıstan) cütünün qalibi ilə qarşılaşacaq.

"Sabah" (Azərbaycan) - "Sent-Patriks Atletik" (İrlandiya) cütünün qalibi isə “Saburtalo” (Gürcüstan) – “Başakşəhər” (Türkiyə) cütünün qalibi ilə üz-üzə gələcək.

KL-də pley-off matçları 22 avqust və 29 avqusta təyin edilib.

Qeyd edək ki, "Zirə" və "Sabah" 3-cü təsnifat mərhələsindəki ilk oyunlarını isə avqustun 8-də səfərdə, cavab görüşlərini avqustun 15-də evdə keçirəcəklər.