“Orhus” bütün diqqətini “Sabah”a yönəltdi – Çempionat oyunu təxirə salındı
UEFA Çempionlar Liqasının üçüncü təsnifat mərhələsində "Sabah"ın rəqibi olan "Orhus"un Danimarka çempionatındakı oyunu təxirə salınıb.
Pressing.az xəbər verir ki, Super Liqa təmsilçisinin "Bayquşlar"la cavab matçına hazırlaşması üçün bir neçə gün əvvəl "Norşellan"la keçirilməli olan oyununun vaxtı ertələnib.
Görünən odur ki, Bakıda keçiriləcək cavab matçı “Orhus” üçün olduqca vacibdir. Danimarka klubu “Sabah”la həlledici görüşə maksimum hazırlaşmaq üçün daxili çempionatdakı oyunundan belə imtina edib. Başqa sözlə, skandinavlar bütün diqqətlərini Bakıya yönəldiblər.
“Sabah” da avrokubok matçlarının əhəmiyyətini nəzərə alaraq analoji addım atıb. Belə ki, Masazır təmsilçisi Misli Premyer Liqasının I turu çərçivəsində avqustun 14-də səfərdə “Kəpəz”lə keçirməli olduğu qarşılaşmanın Bakıda oynanılmasını xahiş edib. Klubun müraciəti müsbət qarşılanıb və görüş Gəncədə deyil, paytaxtda keçiriləcək.
Qeyd edək ki, avqustun 11-də keçiriləcək "Sabah" – "Orhus" oyunu saat 20:00-da başlayacaq. Azərbaycan çempionu ilk matçda 1:2 hesabıyla məğlub olub.
Pressing.az xəbər verir ki, Super Liqa təmsilçisinin "Bayquşlar"la cavab matçına hazırlaşması üçün bir neçə gün əvvəl "Norşellan"la keçirilməli olan oyununun vaxtı ertələnib.
Görünən odur ki, Bakıda keçiriləcək cavab matçı “Orhus” üçün olduqca vacibdir. Danimarka klubu “Sabah”la həlledici görüşə maksimum hazırlaşmaq üçün daxili çempionatdakı oyunundan belə imtina edib. Başqa sözlə, skandinavlar bütün diqqətlərini Bakıya yönəldiblər.
“Sabah” da avrokubok matçlarının əhəmiyyətini nəzərə alaraq analoji addım atıb. Belə ki, Masazır təmsilçisi Misli Premyer Liqasının I turu çərçivəsində avqustun 14-də səfərdə “Kəpəz”lə keçirməli olduğu qarşılaşmanın Bakıda oynanılmasını xahiş edib. Klubun müraciəti müsbət qarşılanıb və görüş Gəncədə deyil, paytaxtda keçiriləcək.
Qeyd edək ki, avqustun 11-də keçiriləcək "Sabah" – "Orhus" oyunu saat 20:00-da başlayacaq. Azərbaycan çempionu ilk matçda 1:2 hesabıyla məğlub olub.
