Elvin Məmmədov: "Gənclərə güvənməmək düşüncəsini dəyişməliyik"
"Səbail" klubu Misli Premyer Liqasının 34-cü turunda "Zirə"yə 0:1 hesabı ilə uduzaraq 1-ci Liqaya yuvarlanıb.
Pressing.az xəbər verir ki, "dənizçilər"in baş məşqçisi Elvin Məmmədov görüşdən sonra keçirilən mətbuat konfransında deyib: "Bilirdik ki, bizi ağır oyun gözləyir. Allah bizə şans vermişdi, yararlanmaq istəyirdik. Amma alınmadı. Yaxşı mübarizə apardıq. Futbolçulara təşəkkür edirəm. İdman xoşbəxtliyi bizdən yan keçdi".
O, klubun rəhbərliyinə verilən şansa görə təşəkkür edib və gələcək haqda danışıb: "Əlimizdən nə gəldisə, etməyə çalışdıq. Bu durumda mənim də adım var. Bu barədə rəhbərliklə danışmamışıq. Çünki ümidimiz var idi. Yenidən Premyer Liqaya yüksəlmək üçün təklif olarsa, niyə də olmasın?"
Mütəxəssis mental cəhətdən dəyişməli olduqlarını bilirib: "Futbolda eniş də var, yüksəliş də. Niyə qayıtmaq olmasın? Niyə zərbə olsun? Çox yaxşı şeylər də oldu. Səhvlərim də var, düzgün etdiyim şeylər də. İşə yeni başlamışıq, hədəfimiz var. Gənclərə güvənməmək düşüncəsini dəyişməliyik. Niyə gənclərə güvənməyək? Bəlkə, kimsə özünü sübut edəcək? Bu gün xoşbəxtəm, B kateqoriyam ola-ola ağır yükü mənə verdilər. Hamımız çalışdıq. Yaxşı şeylər də var idi".
E. Məmmədov deyib ki, ölkədə bütün rəhbərlər gənclərə güvənsə, yaxşı olar: "Rəhbərliyimiz mənə güvənib. Hər bir klub belə etsə, nə gözəl. O qədər örnəklər var ki. Gələcəyi fikirləşməliyik".
O, "Mövsümün əvvəlində gəlsəydiniz, "Səbail" yenə də aşağı liqaya düşərdi?" sualına belə cavab verib: "Bu sualı mənə çox verdilər. Mən özüm haqda böyük-böyük danışmaq istəmirəm. Zaman keçib. Bəlkə, mən olsaydım, bundan da betər olardı. Ya da daha yaxşı şeylər olardı".
Pressing.az xəbər verir ki, "dənizçilər"in baş məşqçisi Elvin Məmmədov görüşdən sonra keçirilən mətbuat konfransında deyib: "Bilirdik ki, bizi ağır oyun gözləyir. Allah bizə şans vermişdi, yararlanmaq istəyirdik. Amma alınmadı. Yaxşı mübarizə apardıq. Futbolçulara təşəkkür edirəm. İdman xoşbəxtliyi bizdən yan keçdi".
O, klubun rəhbərliyinə verilən şansa görə təşəkkür edib və gələcək haqda danışıb: "Əlimizdən nə gəldisə, etməyə çalışdıq. Bu durumda mənim də adım var. Bu barədə rəhbərliklə danışmamışıq. Çünki ümidimiz var idi. Yenidən Premyer Liqaya yüksəlmək üçün təklif olarsa, niyə də olmasın?"
Mütəxəssis mental cəhətdən dəyişməli olduqlarını bilirib: "Futbolda eniş də var, yüksəliş də. Niyə qayıtmaq olmasın? Niyə zərbə olsun? Çox yaxşı şeylər də oldu. Səhvlərim də var, düzgün etdiyim şeylər də. İşə yeni başlamışıq, hədəfimiz var. Gənclərə güvənməmək düşüncəsini dəyişməliyik. Niyə gənclərə güvənməyək? Bəlkə, kimsə özünü sübut edəcək? Bu gün xoşbəxtəm, B kateqoriyam ola-ola ağır yükü mənə verdilər. Hamımız çalışdıq. Yaxşı şeylər də var idi".
E. Məmmədov deyib ki, ölkədə bütün rəhbərlər gənclərə güvənsə, yaxşı olar: "Rəhbərliyimiz mənə güvənib. Hər bir klub belə etsə, nə gözəl. O qədər örnəklər var ki. Gələcəyi fikirləşməliyik".
O, "Mövsümün əvvəlində gəlsəydiniz, "Səbail" yenə də aşağı liqaya düşərdi?" sualına belə cavab verib: "Bu sualı mənə çox verdilər. Mən özüm haqda böyük-böyük danışmaq istəmirəm. Zaman keçib. Bəlkə, mən olsaydım, bundan da betər olardı. Ya da daha yaxşı şeylər olardı".
