"Rahatlıqla avrokubok planlarını quracağıq" – Rəşad Sadıqov
“Zirə” klubu Misli Premyer Liqasının 33-cü turunda “Turan Tovuz” üzərində vacib qələbə qazanmaqla (1:0) çempionatda ikinci yeri təmin edib.
Pressing.az xəbər verir ki, “qartallar”ın baş məşqçisi Rəşad Sadıqov oyundan sonra təşkil edilən mətbuat konfransında çox stressli matç olduğunu, meydanda böyük aqressiya, intensiv futbol, çoxlu mübarizə göründüyünü deyib: “İkinci hissəyə daha aktiv başladıq, rəqibi əks-hücumda yaxalayaraq qol vurduq. Düşünürəm ki, gözəl və baxımlı qoldur”.
Sadıqov bildirib ki, klubları üçün bu mövsüm ikincilik vacib idi: “Bir uğuru qazanmaq olur. Amma onu qoruyub-saxlamaq həmişə çətindir”.
Onun dediyinə görə, bundan sonrakı oyunlarda rotasiyalar edəcək və həmin matçlar komanda üçün avrokuboklara hazırlıq olacaq: “Daha çox az oynayanlara şans verəcəyik, çox yorulanları bir az dinləndirəcəyik. Rahatlıqla avrokubok planlarını quracağıq.
Sadıqov deyib ki, "Qarabağ" kimi komandanın yer aldığı çempionatda ardıcıl iki il 2-ci yeri tutmaq vacib uğur idi.
O bildirib ki, komandası avrokuboklarda məhz Avropa Liqasında oynamaq istəyər: “Çünki ən azından bir məğlubiyyət imkanın olur. Amma ümumən götürsək, biz bilmirik ki, hansı turnirdə qarşımıza hansı rəqib çıxacaq”.
Pressing.az xəbər verir ki, “qartallar”ın baş məşqçisi Rəşad Sadıqov oyundan sonra təşkil edilən mətbuat konfransında çox stressli matç olduğunu, meydanda böyük aqressiya, intensiv futbol, çoxlu mübarizə göründüyünü deyib: “İkinci hissəyə daha aktiv başladıq, rəqibi əks-hücumda yaxalayaraq qol vurduq. Düşünürəm ki, gözəl və baxımlı qoldur”.
Sadıqov bildirib ki, klubları üçün bu mövsüm ikincilik vacib idi: “Bir uğuru qazanmaq olur. Amma onu qoruyub-saxlamaq həmişə çətindir”.
Onun dediyinə görə, bundan sonrakı oyunlarda rotasiyalar edəcək və həmin matçlar komanda üçün avrokuboklara hazırlıq olacaq: “Daha çox az oynayanlara şans verəcəyik, çox yorulanları bir az dinləndirəcəyik. Rahatlıqla avrokubok planlarını quracağıq.
Sadıqov deyib ki, "Qarabağ" kimi komandanın yer aldığı çempionatda ardıcıl iki il 2-ci yeri tutmaq vacib uğur idi.
O bildirib ki, komandası avrokuboklarda məhz Avropa Liqasında oynamaq istəyər: “Çünki ən azından bir məğlubiyyət imkanın olur. Amma ümumən götürsək, biz bilmirik ki, hansı turnirdə qarşımıza hansı rəqib çıxacaq”.
