"Araz-Naxçıvan" "Kəpəz"ə qalib gəldi - YENİLƏNİB

Bu gün Misli Premyer Liqasına 6-cı tura start verilib.

Pressing.az xəbər verir ki, ilk oyun günündə bir görüş keçirilib.

"Araz-Naxçıvan" öz meydanında "Kəpəz"lə qarşılaşıb. Oyun ev sahiblərinin 1:0 qələbəsi ilə başa çatıb.

Bu qələbə sayəsində “Araz Naxçıvan” ən azı 1 günlük də olsa 3-cü pilləyə yüksəlib.

“Kəpəz” isə ardıcıl 6-cı oyunda uduzub. Gəncə təmsilçisi yeni baş məşqçisi Azər Bağırovun rəhbərliyi altında da ilk oyununda xal qazana bilməyib.

Qeyd edək ki, turun digər oyunları şənbə və bazar günləri keçiriləcək.


13 sentyabr (cümə)

19:30.“Araz-Naxçıvan” – “Kəpəz” - 1:0

Qol: Bernardo Diaş, 76
Hakimlər: Rəvan Həmzəzadə, Cəmil Quliyev, Şirmamed Mamedov, Elvin Bayramov
“Liv Bona Dea Arena”