"Qarabağ" və "Kəpəz"dən qələbə - YENİLƏNİB

Misli Premyer Liqasında 15-ci turun oyunları davam edir.

Pressing.az xəbər verir ki, bu günə nəzərdə tutulan matçlar başa çatıb.

Əvəlcə "Kəpəz" "Qəbələ"ni qəbul edib. Yevlax şəhər stadionunda keçirilən matç "Kəpəz"in 1:0 hesablı qələbəsi ilə başa çatıb. Bu komandaların ilk dövrədəki oyununda "Qəbələ" "Kəpəz"ə 3 cavabsız qolla qalib gəlmişdi.

Günün digər oyununda isə "Qarabağ" "Araz-Naxçıvan"ı qəbul edib. Qarşılaşma Ağdam təmsilçisinin 5:1 hesablı qələbəsi ilə başa çatıb. Komandaların ilk dövrədəki oyununda "Qarabağ" rəqibini darmadağın edib - 5:0.

14 dekabr (bazar)

17:30. “Qarabağ” – “Araz-Naxçıvan” - 5:1

Qollar: Toral Bayramov, 30 (1:0), Nəriman Axundzadə, 41 (2:0), Joni Montiel, 57-pen (3:0); Leandro Andrade, 72 (4:0), Ramon Maçado, 76-pen. (4:1), Toral Bayramov, 90+5-pen. (5:1)
Hakimlər: Rəşad Əhmədov, Müslüm Əliyev, Eyyub İbrahimov, Elvin Bayramov
VAR: Tural Qurbanov
AVAR: Asiman Əzizli
“Azersun Arena”

14:00. “Kəpəz” – “Qəbələ” - 1:0

Qol: Ryonosuke Ohori, 54

Qırmızı vərəqə: İbrahim Sanqare, 38 ("Qəbələ")
Hakimlər: Rəvan Həmzəzadə, Cəmil Quliyev, Gülnurə Əkbərzadə, Əkbər Əhmədov
VAR: Cavid Cəlilov
AVAR: Emin Əliyev
Yevlax şəhər stadionu