Son turda qalib olmadı - YENİLƏNİB

Bu gün Misli Premyer Liqasında 15-ci tura yekun vurulub.

Pressing.az xəbər verir ki, son oyun gününə nəzərdə tutulan matçlar başa çatıb.

Əvvəlcə "İmişli" Karvan-Yevlax"ı qəbul edib. Qubada keçirilən görüş 1:1 hesabı ilə bitib. Komandaların ilk dövrədəki oyununda "İmişli" 3:0 hesablı qələbə qazanıb.

Günün və turun son matçında "Neftçi" "Sumqayıt"ı qəbul edib. Qarşılaşma 2:2 hesablı heç-heçə ilə yekunlaşıb. Bu komandaların ilk dövrədəki oyununda "Neftçi" üstün olub - 2:0. Bugünkü görüş "Neftçi"nin yeni baş məşqçisi Yuri Vernidub üçün "ağ-qaralar"da debüt matçı olub.

15 dekabr (bazar ertəsi)

19:00. “Neftçi” – “Sumqayıt” - 2:2

Qollar: İmad Faraj, 34 (1:0), Bassala Sambu, 49 (2:0), Nsane Simon, 74 (2:1), Səbuhi Abdullazadə, 81, (2:2)
Hakimlər: Rauf Cabarov, Elşad Abdullayev, Teymur Teymurov, İslam Məmmədov
VAR: Elçin Məsiyev
AVAR: Vüsal Məmmədov
“Palms Sports Arena”

14:00. “İmişli” – “Karvan-Yevlax” - 1:1

Qollar: Dioqo Almeyda, 29 (1:0), Vadim Abdullayev, 39 (1:1)
Hakimlər: Kamranbəy Rəhimov, Pərvin Talıbov, Zöhrab Abbasov, Vüqar Həsənli
VAR: İnqilab Məmmədov
AVAR: Namiq Hüseynov
Quba OİK stadionu

13 dekabr (şənbə)

“Turan Tovuz” - “Sabah” - 1:3

“Şamaxı” - “Zirə” - 2:1

14 dekabr (bazar)

“Qarabağ” – “Araz-Naxçıvan” - 5:1

“Kəpəz” – “Qəbələ” - 1:0