"Kəpəz" klubunun yeni baş məşqçisi Azər Bağırovun köməkçiləri müəyyənləşib.

Pressing.az xəbər verir ki, bu barədə klubun mətbuat xidməti məlumat yayıb.

Bağırova Rakif Əliyev (analitik məşqçi), Araz Bağırov, Zaur Əsədov və Vüqar Məmmədov (qapıçı məşqçi) kömək edəcək.

Xatırladaq ki, "Kəpəz" bir neçə gün əvvəl Azər Bağırovla 2 illik müqavilə imzalandığını açıqlayıb. Komanda 5 turdan sonra xal qazana bilməyib və sonuncu pillədədir.