Azər Məmmədov yenidən "Səbail"də

"Kəpəz" klubundan ayrılan Azər Məmmədovun yeni iş yeri müəyyənləşib.

Pressing.az xəbər verir ki, o, "Səbail"də çalışacaq. Bu barədə "dənizçilər"in mətbuat xidməti məlumat yayıb. A.Məmmədov baş məşqçi Şahin Diniyevin köməkçisi təyin olunub.

Mütəxəssis daha əvvəl də "Səbail"də məşqçi kimi çalışıb. O, 2022-ci ildən 2023-cü yayına kimi sözügedən klubda işləyib.

Xatırladaq ki, A.Məmmədov ötən ilin noyabrında "Kəpəz"dən ayrılıb.